قر اقش-تاعى ەلشىلىگى امەريكا قۇراما شتاتتارى شەكارا قاۋىپسىزدىگىن نىعايتۋ جانە زاڭسىز ميگراتسيانى ازايتۋ ماقساتىندا ميگراتسيالىق ساياساتىن بارىنشا قاتاڭداتقانىنا نازارلارىڭىزدى اۋدارادى.
شەكارا قاۋىپسىزدىگىن نىعايتۋعا جانە زاڭسىز ميگراتسيانى ازايتۋعا باعىتتالعان شارالار ەلگە زاڭسىز كەلگەن شەتەلدىكتەرگە (ۆيزاسىز كەلگەن جانە تۇراقتى تۇرۋعا رۇقساتى جوق ازاماتتار) جانە اقش-تا زاڭسىز جۇرگەن ميگرانتتارعا قاتىستى بولىپ وتىر. قاماۋعا الۋ جانە ەلدەن شىعارۋ سىندى ماجبۇرلەۋ شارالارىمەن قاتار، اقش-قا قايتا كىرۋگە شەكتەۋلەر ەنگىزىلىپ، سونداي-اق الەۋمەتتىك كومەك، جۇمىس ىستەۋگە رۇقسات بەرەتىن قۇجاتتار مەن باسقا دا الەۋمەتتىك جەڭىلدىكتەردى جويۋ قاراستىرىلۋدا.
اقش بيلىگى زاڭسىز نەگىزدە جۇرگەن شەتەلدىكتەرگە (قۇجاتى جوق، جارامسىز ۆيزا مەن تۇراقتى تۇرۋعا رۇقساتى (گرين كارتا) جانە باسقا قۇجاتتار بولماۋى) ەلدەن ءوز ەركىمەن كەتۋگە مۇمكىندىك بەرىپ وتىر.
بۇل شارا قازاقستان ازاماتتارىنىڭ دەپورتاتسياعا ۇشىراۋ قاۋپىن ازايتۋعا جانە ونىڭ سالدارىنان بولاشاقتا اقش ۆيزاسىنا ءوتىنىش بەرگەندە ەل اۋماعىنا كىرۋگە تىيىم سالىنۋىنان ساقتانۋعا كومەكتەسەدى.
تاعى بىرقاتار وزگەرىستەردى اتاپ وتۋگە بولادى:
«مەكسيكادا قالىڭىز» ساياساتى قايتا ەنگىزىلدى، ياعني ميگرانتتار جانە ساياسي باسپانا سۇرايتىندار ميگراتسيالىق سوتقا شاقىرعانعا دەيىن مەكسيكادا قالۋعا مىندەتتەلەدى;
«ۇستا دا جىبەر» (catch and release) شاراسى توقتاتىلدى. بۇل اقش شەكاراسىنان زاڭسىز وتكەن ميگرانتتار ءىسى قارالمايىنشا قاماۋدا بولاتىندىعىن بىلدىرەدى. ولاردى ارنايى ورتالىقتارعا قاماپ، نەمەسە بىردەن كەلگەن ەلدەرىنە قايتاراتىن بولادى.سونىمەن قاتار ازاماتتار ءۇشىنشى ەلدەرگە دە جىبەرىلۋى مۇمكىن (مىسالى، «مەكسيكادا بولۋ» باعدارلاماسى بويىنشا);
شارتتى تۇردە ۋاقىتىنان ەرتە بوساتاتىن نەمەسە اقش-قا كىرۋگە الدىن-الا جەڭىلدىكتەر قاراستىرىلعان «CBP One» موبيلدىك قوسىمشاسى جۇمىسىن توقتاتتى.
اقش كوشى-قون زاڭناماسىنداعى وزگەرىستەر تۋرالى رەسمي اقپاراتتى كەلەسى رەسۋرستاردان باقىلاپ وتىرۋدى ۇسىنامىز:
- اقش ازاماتتىعى جانە يمميگراتسيا قىزمەتى (USCIS);
- اقش مەملەكەتتىك دەپارتامەنتى - كونسۋلدىق ماسەلەلەر بيۋروسى
توتەنشە جاعدايلار نەمەسە كونسۋلدىق-قۇقىقتىق كومەك قاجەتتىلىگى تۋىنداعان جاعدايدا، تومەندەگى بايلانىس نومىرلەرىنە حابارلاسۋدى سۇرايمىز:
قازاقستان رەسپۋبليكاسىنىڭ ەلشىلىگى: +1 202 232 5488 ىشكى 127, 109, 121;
قر نيۋ-يورك قالاسىنداعى باس كونسۋلدىعى: +1 332 207 9632;
قر سان-فرانتسيسكو قالاسىنداعى باس كونسۋلدىعى: +1 650 741-8894.
