الماتىدا روزىباكيەۆ كوشەسى، 166 مەكەنجايىندا ورنالاسقان ءدامحانانىڭ زاڭسىز سالىنعان جازعى تەرراساسى بۇزىلىپ جاتىر. بۇل تۋرالى قالا قۇرىلىسىن باقىلاۋ باسقارماسىنىڭ وكىلدەرى حابارلادى.
باسقارمانىڭ مالىمەتىنشە، جوسپاردان تىس تەكسەرۋ بارىسىندا ماماندار تۇرعىن ەمەس عيماراتتىڭ قاسبەت جاعىنان رۇقساتسىز سالىنعان قوسالقى قۇرىلىستاردى انىقتاعان. سونىمەن قاتار، نىساندار پايدالانۋعا بەرۋ اكتىسىز قولدانىلعان.
تەكسەرۋ ناتيجەلەرى بويىنشا اكت شىعارىلعاننان كەيىن مەنشىك يەسى زاڭسىز نىساندى ەرىكتى تۇردە بۇزۋدى باستاعان.
قازىرگى تاڭدا قوسالقى قۇرىلىستاردىڭ ءبىرى تولىق بۇزىلدى، ال مەنشىك يەسى ەكىنشىسىن سۇرۋگە كىرىستى.
