الماتى قالاسىنىڭ تۇرعىنى باسقا تۇلعامەن بىرگە جابىرلەنۋشىنىڭ اقشا قاراجاتىن جاسىرىن جىمقىرعان.
سوت قاۋلىسىمەن ول ۇرلىق جاساعانى ءۇشىن كىنالى دەپ تانىلىپ، جابىرلەنۋشىمەن تاتۋلاسۋىنا بايلانىستى قىلمىستىق جاۋاپتىلىقتان بوساتىلعان.
سوت شەشىمىنىڭ زاڭدىلىعىن تەكسەرۋ بارىسىندا زاڭنىڭ دۇرىس قولدانىلماعانى انىقتالدى. سوت ونىڭ بۇعان دەيىن دە ءدال وسىنداي نەگىزدەر بويىنشا قىلمىستىق جاۋاپتىلىقتان بوساتىلۋ قۇقىعىن پايدالانعانىن ەسكەرمەگەن. مۇنداي شارانى قايتا قولدانۋ جازانىڭ بۇلتارتپاستىعى قاعيداتىنا جانە زاڭ تالاپتارىنا قايشى كەلەدى.
پروكۋروردىڭ كاسساتسيالىق نارازىلىعىمەن سوت قاۋلىسىنىڭ كۇشى جويىلىپ، قىلمىستىق ءىس سول سوتقا وزگە قۇرامدا جاڭادان قاراۋعا جىبەرىلدى.
تاراپتاردىڭ تاتۋلاسۋى ينستيتۋتى مەملەكەتتىڭ ىزگىلىك قاعيداتىنىڭ كورىنىسى بولىپ تابىلادى. ول كەلتىرىلگەن زيان وتەلىپ، جابىرلەنۋشى كىنالى ادامدى كەشىرىپ جانە جانجال تولىق رەتتەلگەندە بەلگىلى ءبىر جاعدايلاردا ادامدى قىلمىستىق جاۋاپتىلىقتان بوساتۋعا مۇمكىندىك بەرەدى. الايدا بۇل مەحانيزم جاۋاپتىلىقتان جالتارۋ ءتاسىلى رەتىندە بىرنەشە رەت پايدالانىلۋى مۇمكىن دەگەندى بىلدىرمەيدى.
باس پروكۋراتۋرانىڭ ءباسپاسوز قىزمەتى
