Alageum Electric كومپانيالار توبى مەملەكەتتىك ءتىلدى قولداۋ ماقساتىندا Qazaq Tili Endowment قورىنا ەكىنشى مارتە 100 ميلليون تەڭگە كولەمىندە جارنا اۋداردى. كومپانيا 2024 جىلى العاشقىلاردىڭ ءبىرى بولىپ ەنداۋمەنت قورىنا ءدال وسىنداي سومادا قاراجات بولگەن بولاتىن. وسىلايشا، Alageum Electric كومپانياسىنىڭ مەملەكەتتىك ءتىلدى دامىتۋعا باعىتتاعان جالپى سالىمى 200 ميلليون تەڭگەنى قۇرادى. 

بۇل قادام – مەملەكەتتىك تىلگە دەگەن قۇرمەتتىڭ عانا ەمەس، سونىمەن بىرگە Qazaq Tili Endowment قورىنىڭ اشىق ءارى ءتيىمدى جۇمىسىنا، ونىڭ ۇزاقمەرزىمدى دامۋ مودەلىنە دەگەن سەنىمنىڭ كورىنىسى.

اتاپ ايتساق، Qazaq Tili Endowment قورىنا العاشقى بولىپ مەملەكەت باسشىسى قاسىم-جومارت توقاەۆ جەكە قاراجاتىنان 7 ميلليون تەڭگە اۋداردى. پرەزيدەنتتىڭ بۇل باستاماسىن ەلىمىزدەگى ءىرى كومپانيالار مەن كاسىپكەرلەر قاۋىمى كەڭىنەن قولدادى.

«Alageum Electric» ءۇشىن قازاق ءتىلىن قولداۋ – الەۋمەتتىك جاۋاپكەرشىلىكتىڭ ماڭىزدى باعىتى. سوندىقتان ءبىز بۇل ىسكە تۇراقتى تۇردە ۇلەس قوسىپ كەلەمىز. 30 جىلدان بەرى كومپانيا ءوندىرىستى دامىتىپ كەلەدى. دەگەنمەن جەتىستىك تەك ءوندىرىس كورسەتكىشتەرىمەن ولشەنبەيدى. ءبىلىمدى قولداۋ، ادامي كاپيتالدى دامىتۋ جانە قازاق ءتىلىنىڭ وركەندەۋىنە ۇلەس قوسۋ – ەل بولاشاعىنا سالىنعان ينۆەستيتسيا. وسى ۇستانىممەن مەملەكەت باسشىسىنىڭ باستاماسىن جالعاپ، Qazaq Tili Endowment قورىنا ەكىنشى رەت قولداۋ كورسەتتىك. قوردىڭ جۇمىسى اشىق، ناتيجەسى ناقتى. قازاق ءتىلىنىڭ مارتەبەسىن كوتەرىپ، اۋقىمدى جوبالاردى جۇزەگە اسىرۋ ءۇشىن وسىنداي جۇيەلى قولداۋ قاجەت. بيزنەس ەكونوميكانىڭ عانا ەمەس، قوعامنىڭ دا دامۋىنا ۇلەس قوسۋى ءتيىس، – دەدى «Alageum Electric» كومپانيالار توبى ديرەكتورلار كەڭەسىنىڭ توراعاسى ەركەبۇلان ءىلياسوۆ.

«Alageum Electric كومپانيالار توبىنىڭ Qazaq Tili Endowment قورىنا ەكىنشى رەت قولداۋ كورسەتۋى – ءبىز ءۇشىن ۇلكەن جاۋاپكەرشىلىك. بۇل قوردىڭ جۇمىسىنا دەگەن سەنىمنىڭ جانە مەملەكەتتىك ءتىلدى دامىتۋعا باعىتتالعان ورتاق ۇستانىمنىڭ كورىنىسى. وسىنداي تۇراقتى سەرىكتەستىكتىڭ ارقاسىندا ءبىز قازاق ءتىلىنىڭ قولدانىس اياسىن كەڭەيتەتىن ءىرى جوبالاردى جۇيەلى تۇردە جۇزەگە اسىرىپ كەلەمىز. كومپانيا باسشىلىعىنا قازاق ءتىلىنىڭ بولاشاعىنا قوسقان ماڭىزدى ۇلەسى ءۇشىن العىسىمىزدى بىلدىرەمىز»، – دەيدى حالىقارالىق «قازاق ءتىلى» قوعامىنىڭ پرەزيدەنتى راۋان كەنجەحانۇلى.

Qazaq Tili Endowment قورىنىڭ نەگىزگى قاعيداتى – قورعا تۇسكەن قاراجاتتىڭ ءوزىن جۇمساماۋ. قورعا اۋدارىلعان قاراجات تولىق كولەمدە ينۆەستيتسيالىق باسقارۋعا بەرىلەدى، ال قازاق ءتىلىن دامىتۋعا باعىتتالعان جوبالار ينۆەستيتسيالىق تابىس ەسەبىنەن قارجىلاندىرىلادى. 

2024 جىلى ەنداۋمەنت قورىنا 503 669 299 تەڭگە تارتىلىپ، ينۆەستيتسيالىق باسقارۋدان 75 473 020 تەڭگە ۇستەمە تابىس ءتۇستى. 2025 جىلى ينۆەستيتسيالىق تابىس كولەمى 80 ميلليون تەڭگەنى قۇرادى. وسىلايشا، سوڭعى ەكى جىلدا قوردىڭ ينۆەستيتسيالىق قىزمەتىنەن تۇسكەن جالپى تابىس 155 000 000 تەڭگەدەن استى. قازىر ەنداۋمەنت قورىنداعى قارجى كولەمى 824 000 000 تەڭگەگە جەتتى 

ينۆەستيتسيالىق تابىس ەسەبىنەن 2023–2025 جىلدارى قازاق ءتىلىن دامىتۋعا باعىتتالعان 60-تان استام وڭىرلىك، رەسپۋبليكالىق جانە حالىقارالىق دەڭگەيدەگى جوبا مەن ءىس-شارا جۇزەگە اسىرىلدى. سولاردىڭ ىشىندە Oxford قازاقشا-اعىلشىنشا جانە اعىلشىنشا-قازاقشا سوزدىگىن ازىرلەۋ جانە شىعارۋ، اباي شىعارمالارىنىڭ جيناعىن باسىپ شىعارۋ، جىل سايىن ءداستۇرلى نەگىزدە «جارقىن بولاشاق» رەسپۋبليكالىق قازاق ءتىلى وليمپياداسى مەن «انا ءتىلى» زياتكەرلىك وليمپياداسىن ۇيىمداستىرۋ، «ۇلتتىق ديكتانت» پلاتفورماسى مەن Qazaq Tili Qogamy ءموبيلدى قوسىمشاسىن ازىرلەۋ، «تۇلپار ءمىنىپ، تۋ العان» رەسپۋبليكالىق بايقاۋىن وتكىزۋ، سونداي-اق قازاق ءتىلىنىڭ تسيفرلىق ينفراقۇرىلىمىن دامىتۋ جانە OpenAI كومپانياسىمەن بىرلەسكەن جاساندى ينتەللەكت باعىتىنداعى جوبالاردى ىسكە اسىرۋعا جۇمسالدى.

قور قىزمەتى قۇرىلتايشىلار كەڭەسىنىڭ تۇراقتى باقىلاۋىندا بولىپ، قارجىلىق ناتيجەلەر مەن اتقارىلعان جۇمىستار تۋرالى ەسەپتەر جۇيەلى تۇردە ۇسىنىلىپ وتىرادى. سونىمەن قاتار ۇيىم قازاقستان رەسپۋبليكاسىنىڭ زاڭناماسىنا جانە استانا حالىقارالىق قارجى ورتالىعىنىڭ (احقو) تالاپتارىنا سايكەس جۇمىس ىستەيدى. بۇل بولىنگەن قاراجاتتىڭ اشىق، ءتيىمدى ءارى جاۋاپتى باسقارىلۋىن قامتاماسىز ەتەدى.

انىقتاما: 

«Alageum Electric» كومپانيالار توبى – ەلەكتر ەنەرگەتيكاسى مەن ماشينا جاساۋ سالاسىندا جۇمىس ىستەيتىن قازاقستانداعى ءىرى كومپانيالار توبى. ونىڭ قۇرامىنا 30-دان استام كاسىپورىن كىرەدى. كومپانيا ونىمدەرى حالىقارالىق ساپا ستاندارتتارىنا تولىق ساي كەلەدى جانە قازاقستاننان بولەك تمد، تاياۋ شىعىس جانە باسقا دا شەتەل نارىقتارىنا ەكسپورتتالادى.

سەرىكتەستىك نەگىزدە