وعان 200-دەن استام مادەنيەت سالاسىنىڭ وكىلى، ونىڭ ىشىندە تەاتر ارتىستەرى، كىتاپحانا قىزمەتكەرلەرى، مۋزىكانتتار مەن حورەوگرافتار قاتىستى. جينالعاندار سىعاناق پەن تولە بي كوشەلەرىنىڭ قيىلىسىندا اعاش كوشەتتەرىن وتىرعىزىپ، اينالانى رەتكە كەلتىردى.

«قالانىڭ ءوسىپ، تازارىپ جاتقانىن كورىپ وتىرمىز. 20 جىلدان كەيىن بالالارىمىزبەن قالانى ارالاپ، مەن ەككەن جوكە اعاشى وسىندا ءوسىپ تۇر دەپ ايتا الامىز. بۇل كەرەمەت، بۇل – ءبىزدىڭ بولاشاعىمىز»، – دەدى م.گوركي اتىنداعى مەملەكەتتىك اكادەميالىق ورىس دراما تەاترىنىڭ اكتريساسى ۋليانا اپرەلسكايا.

ءاربىر مادەنيەت مەكەمەسى ماڭايىنداعى اۋماقتاردى تازارتۋ، اباتتاندىرۋ شارالارىن وتكىزدى.

ەكولوگيالىق ناۋقان بارىسىندا التى اۋداندا 6 مىڭنان استام جاسىل جەلەك وتىرعىزىلادى.

استانادا ەكولوگيالىق اكتسيا اياسىندا قالانى، نوسەر جانە سۋارۋ ارىقتارىنىڭ كارىز جەلىلەرىن سانيتارلىق تازالاۋ، كوشەلەردى، تروتۋارلاردى، كۆارتالىشىلىك اۋماقتاردى، قوعامدىق ورىنداردى جانە اۋلالاردى تازالاۋ جانە ت.ب. جۇمىستار جۇرگىزىلىپ جاتىر. جاسىل ەكپەلەردى كۇتۋ جانە وتىرعىزۋ بويىنشا ماۋسىمدىق اگروتەحنيكالىق جۇمىستار، ساۋدا الاڭدارىن تازارتۋ، رۇقسات ەتىلمەگەن ۇيىندىلەردى جويۋ جانە ت.ب. جۇمىسى جۇرگىزىلدى.

سونداي-اق، ەكولوگيالىق باستاما اياسىندا ەلوردادا ارنايى تاقىرىپتاعى سەنبىلىكتەر، مەكتەپتەردە ەكولوگيالىق ساباقتار، فلەشموبتار، اقپاراتتىق ناۋقاندار مەن اباتتاندىرۋ بايقاۋلارى جۇيەلى تۇردە ۇيىمداستىرىلادى.