ايجان ابزاليقىزى كۇرمانوۆا 1970 جىلى سەمەي قالاسىندا دۇنيەگە كەلگەن. شاكارىم اتىنداعى سەمەي پەداگوگيكالىق ينستيتۋتىن تاريح ءپانى مۇعالىمى، مۇحتار اۋەزوۆ اتىنداعى پەداگوگيكالىق ۋچيليششەنى باستاۋىش سىنىپ مۇعالىمى ماماندىعى بويىنشا بىتىرگەن.

ەڭبەك جولىن 1989 جىلى سەمەي قالاسىنداعى №34 ورتا مەكتەپتە باستاۋىش سىنىپ مۇعالىمى رەتىندە باستاعان.

ءار جىلدارى سەمەي قالاسىنداعى بىرنەشە مەكتەپتە مۇعالىم، ديرەكتوردىڭ وقۋ ادىستەمەلىك جونىندەگى ورىنباسارى، ەۆرازيا گۋمانيتارلىق كوللەدجىندە، قازاق يننوۆاتسيالىق گۋمانيتارلىق-زاڭ ۋنيۆەرسيتەتى مەن سەمەي مەديتسينا ۋنيۆەرسيتەتىندە وقىتۋشى، سەمەي قالالىق ءبىلىم ءبولىمىنىڭ ادىسكەرى، اباي وبلىسى ءبىلىم باسقارماسىنىڭ ءبولىم باسشىسى بولدى.

بۇعان دەيىن اباي وبلىسى ءبىلىم باسقارماسى باسشىسىنىڭ ورىنباسارى قىزمەتىن اتقاردى.

2026 جىلعى 1 شىلدەدەن باستاپ ايجان ابزاليقىزى كۇرمانوۆا اباي وبلىسى ءبىلىم باسقارماسىنىڭ باسشىسى بولىپ تاعايىندالدى.

اكىمدىكتىڭ ءباسپاسوز قىزمەتى