وعان پارلامەنت سەناتى مەن ءماجىلىسىنىڭ دەپۋتاتتارى ن.بايقاداموۆ پەن م.ابەنوۆ، جاۋاپتى سالا باسشىلارى، قالا، اۋدان اكىمدەرى، ەڭبەك ارداگەرلەرى، زيالى قاۋىم، شارۋاشىلىق وكىلدەرى قاتىستى.
ايماق باسشىسى قاجىر-قايراتىن ەلىمىزدىڭ الەۋمەتتىك-ەكونوميكالىق دامۋىنا جۇمساعان ناعىز ەڭبەك ادامدارى بارلىق قۇرمەتكە لايىق ەكەنىن اتاپ ءوتتى.
«پرەزيدەنتىمىز قاسىم-جومارت كەمەلۇلى 2025 جىلدى «جۇمىسشى ماماندىقتارى جىلى» دەپ جاريالاپ، «ءبىز جۇمىسشى ماماندىقتارىن دارىپتەۋ ارقىلى قوعامدا ەڭبەككەش جانە ناعىز مامان بولۋ يدەياسىن ناسيحاتتايمىز! ادال ءارى تاباندى ەڭبەگىمەن تابىسقا جەتكەن ادامدار قاشاندا قۇرمەتتى، سىيلى بولۋى كەرەك» دەدى.
بۇل - ەكونوميكالىق تۇراقتىلىق پەن الەۋمەتتىك پروگرەستىڭ باستى فاكتورى رەتىندە جۇمىسشى كاسىپتەرىنىڭ ءرولىن كۇشەيتۋدەگى ستراتەگيالىق قادام.
ۇلتىمىزدىڭ ۇلى مۇراتى جولىندا، ەڭبەك مايدانىندا اتا-بابالارىمىز تەر توكتى. ولاردىڭ اراسىنان 1792 سوتسياليستىك ەڭبەك ەرى شىقسا، 102-ءسى - سىر ءوڭىرىنىڭ ەڭبەككەرلەرى.
ءوز مەكتەبىن قۇرىپ، شاكىرت تاربيەلەگەن، سىر كۇرىشىنىڭ داڭقىن اسقاقتاتقان دالا اكادەميگى، ەكى مارتە سوتسياليستىك ەڭبەك ەرى اتانعان ىبىراي جاقاەۆتىڭ، ءساليما جۇمابەكوۆانىڭ ورنى ەرەكشە. وسىنداي ۇلى ۇستازدىڭ ءتالىمىن العان، بالا تاربيەلەپ، ۇلتجاندىلىقپەن قىزمەت اتقارعان شىرىنكۇل قازانباەۆا، ۇلبالا التايباەۆا باستاعان سىردىڭ باتىر انالارىنىڭ قاجىرلى ەڭبەگى ۇرپاق جادىندا ماڭگى ساقتالادى.
الدىڭعى بۋىننىڭ ونەگەلى ءىزىن جالعاپ، تاۋەلسىز ەلىمىزدىڭ تاريحىندا «قازاقستاننىڭ ەڭبەك ەرى» اتانعان روزا باعلانوۆا، ءابدىجامىل نۇرپەيىسوۆ، اسقار جۇمادىلداەۆ، يۋري پيا، ابزال ەراليەۆ، يمامزادا شاعىرتاەۆ سىندى جەرلەستەرىمىزدى ءاردايىم ماقتان ەتەمىز.
ەگەمەن ەلىمىزدىڭ جارقىن بولاشاعى جولىندا وتانىمىزعا ادال ەڭبەك ەتۋ، ادال جولمەن تابىس تابۋ، ادال ازامات بولۋ – ءبىزدىڭ قاستەرلى مىندەتىمىز!
بارشاڭىزدى مەرەكەمەن تاعى دا قۇتتىقتاپ، وبلىسىمىزدىڭ دامۋىنا قوسقان وراسان زور ۇلەستەرىڭىز ءۇشىن سىر جۇرتشىلىعىنىڭ، ءوزىمنىڭ اتىمنان شىنايى العىسىمدى، زور ريزاشىلىعىمدى بىلدىرەمىن»، - دەدى ن.نالىباەۆ.
ەڭبەك ادامدارىن ۇلىقتاۋ ماقساتىندا ۇيىمداستىرىلعان شارادا ءار نوميناتسيا بويىنشا قارجىلاي سىياقى تابىستالدى. اتاپ ايتساق، «ۇزدىك ەڭبەك اۋلەتى»، «جۇمىس ىستەيتىن جاستاردىڭ ۇزدىك تالىمگەرى»، «ءوندىرىستىڭ ۇزدىك جاس مامانى» نوميناتسيالارى جەڭىمپازدارىنا 1-ورىنعا 500 مىڭ تەڭگە، 2-ورىنعا 300 مىڭ تەڭگە، 3-ورىنعا 200 مىڭ تەڭگەدەن بەرىلدى.
سالا ۇزدىكتەرىنە، ياعني كوممۋنالدىق جانە باسقا دا سالالاردا قىزمەت ەتەتىن 15 مامانعا وبلىس اكىمىنىڭ العىس حاتى جانە 500 مىڭ تەڭگەنىڭ سەرتيفيكاتى تابىس ەتىلدى.
سونىمەن قاتار، ءوز سالاسىنىڭ ۇزدىگى دەپ تانىلعان 15 ەڭبەك مايتالمانىنا وبلىس اكىمىنىڭ العىس حاتى، قىزىلوردا وبلىستىق كاسىپوداقتار ورتالىعىنىڭ شيپاجايعا جولداماسى ۇسىنىلدى.
ايتا كەتەيىك، شارادا «ۇلگىلى ەلدى مەكەن» وبلىستىق كونكۋرسى جەڭىمپازدارىنا 19 ارنايى كوممۋنالدىق تەحنيكا، تىرەك جانە سەرىكتەس ەلدى مەكەندەر ساناتىنا كىرمەيتىن اۋىلداردىڭ اباتتاندىرۋ جوبالارىن قارجىلاندىرۋعا 15 ملن.تەڭگەنىڭ سەرتيفيكاتتارى بەرىلدى.
ونەر ورتالىعىنىڭ فويەسىندە قايتارىمسىز مەملەكەتتىك گرانت الۋشىلاردىڭ ونىمدەر كورمەسى ۇيىمداستىرىلدى.
قىزىلوردا وبلىسى اكىمىنىڭ ءباسپاسوز قىزمەتى
