ولار 2023 جىلدىڭ قىركۇيەگى مەن 2024 جىلدىڭ قازانى ارالىعىندا سەمەي قالاسى اۋماعىندا ليتسەنزياسىز قۇم ءوندىرىپ، ونى ساتقان.

ناتيجەسىندە كۇدىكتىلەر زاڭسىز تۇردە 68 مىڭ توننادان استام قۇم ءوندىرىپ، مەملەكەتكە 272 ميلليون تەڭگە كولەمىندە زالال كەلتىرگەن.

كەيىننەن قۇرىلىس ماتەريالدارىن ءوندىرۋشى زاۋىتتارعا قۇمدى وتكىزۋ جالعان سايكەستىك سەرتيفيكاتتارىن پايدالانا وتىرىپ، جەكە كاسىپكەرلەر ارقىلى جۇزەگە اسىرىلعان.

ونى ساتۋدان تۇسكەن قىلمىستىق تابىس 150 ملن تەڭگەدەن استى.

كۇدىكتىلەر وسى قاراجاتتىڭ ءبىر بولىگىن فرونتالدى تيەگىش ساتىپ الۋعا جۇمساپ، قوسىمشا 6,2 ملن تەڭگە مولشەرىندە تابىس تاپقان.

سوتتىڭ سانكتسياسىمەن كۇدىكتىلەردىڭ 181 ملن تەڭگەدەن استام سوماعا باعالانعان مۇلكىنە تاركىلەۋ ماقساتىندا تىيىم سالىندى.

مۇلىكتەردىڭ قاتارىندا 11 اۆتوكولىك، 2 پاتەر، جەر ۋچاسكەسى جانە 17 ميلليون تەڭگە كولەمىندەگى دەبيتورلىق قارىز بار.

ءىس ايىپتاۋ اكتىسىن بەكىتۋ ءۇشىن پروكۋرورعا جولداندى.

ەگەر سىزگە ەكونوميكالىق قۇقىق بۇزۋشىلىق جاساۋ فاكتىلەرى بەلگىلى بولسا، بۇل تۋرالى "افم Insider" تەلەگرام بوتىنا حابارلاۋىڭىزدى سۇرايمىز.

انونيمدىلىككە كەپىلدىك بەرىلەدى.