قما اباي وبلىسى بويىنشا دەپارتامەنتى پروكۋراتۋرانىڭ ۇيلەستىرۋىمەن «اگروبيزنەس» جوباسى اياسىندا بولىنگەن بيۋدجەت قاراجاتىن جىمقىرۋ فاكتىسى بويىنشا تەرگەۋدى اياقتادى.

اتالعان جوبا فەرمەرلىك شارۋاشىلىقتاردى قولداۋعا باعىتتالىپ، مال شارۋاشىلىعىن جانە اگروبيزنەستى دامىتۋ ءۇشىن جەڭىلدەتىلگەن نەسيەلەر بەرۋدى كوزدەيدى.

«ىكىباي» شارۋا قوجالىعىنىڭ باسشىسى جالعان قۇجاتتاردى پايدالانىپ، ءىرى قارا مال ساتىپ الۋ ءۇشىن جالپى سوماسى 250 ميلليون تەڭگەدەن اساتىن ەكى نەسيە العان.

الايدا الىنعان قاراجات مال شارۋاشىلىعىن دامىتۋعا ەمەس، جەكە ماقساتتارعا جۇمسالعان. قۇجاتتاردا كەپىل رەتىندە كورسەتىلگەن مۇلىك پەن مال ءىس جۇزىندە ساتىپ الىنباعان.

مەملەكەتكە كەلتىرىلگەن زالال 211 ملن تەڭگەنى قۇرادى.

تەرگەۋ بارىسىندا كۇدىكتى كەلتىرىلگەن زالالدى تولىق كولەمدە وتەدى.

وعان قاتىستى ەلدەن شىقپاۋ جانە ءتيىستى مىنەز-قۇلىق ساقتاۋ تۋرالى بۇلتارتپاۋ شاراسى تاڭدالدى.

قىلمىستىق ءىس سوتقا جولداندى.

وزگە مالىمەتتەر قر قىلمىستىق-پروتسەستىك كودەكسىنىڭ 201-بابىنا سايكەس جاريا ەتىلمەيدى.

ايتا كەتۋ كەرەك، مۇنداي قىلمىستار اگروبيزنەسكە كورسەتىلەتىن مەملەكەتتىك قولداۋعا دەگەن سەنىمدى السىرەتىپ، ادال كاسىپكەرلەردىڭ اۋىل شارۋاشىلىعىن دامىتۋ مۇمكىندىگىن شەكتەيدى.

بۇل ءوز كەزەگىندە سالانىڭ تۇراقتىلىعى مەن جالپى ەكونوميكاعا كەرى اسەرىن تيگىزەدى.

قر قما ءباسپاسوز قىزمەتى