70 ملرد تەڭگەگە مەملەكەتتىك ساتىپ الۋعا زاڭسىز قاتىسۋ ارەكەتتەرى توقتاتىلدى

قما الماتى قالاسى بويىنشا دەپارتامەنتى قۇرىلىس سالاسىنداعى مەملەكەتتىك ساتىپ الۋلارعا قاتىسۋ بارىسىندا جالعان مالىمەتتەردى قولدانعان ادامدار توبىنا قاتىستى سوتقا دەيىنگى تەرگەپ-تەكسەرۋ جۇمىستارىن جۇرگىزۋدە.

تەرگەۋ بارىسىندا 2021 جىلدان 2024 جىلعا دەيىن قىلمىستىق سحەماعا قاتىسۋشىلاردىڭ جالعان كومپانيالار ارقىلى قۇرىلىس جۇمىستارىن جۇرگىزۋگە ارنالعان تەندەرلەردە رەيتينگتەرىن كوتەرۋ ماقساتىندا قولدان جاسالعان قۇجاتتار مەن جالعان مالىمەتتەردى پايدالانعانى انىقتالدى.

مۇنداي قىزمەت ءۇشىن ۇيىمداستىرۋشىلار 500 مىڭنان 1,5 ملن تەڭگەگە دەيىن سىياقى الىپ وتىرعان.

زاڭسىز جولمەن الىنعان جالپى تابىس 664 ملن تەڭگەدەن اسىپ كەتكەن. بۇل قاراجاتقا 11 اۆتوكولىك پەن 12 جىلجىمايتىن مۇلىك (5 تۇرعىن ءۇي مەن 7 جەر ۋچاسكەسى) ساتىپ الىنعان.

تەرگەۋ بولجامى بويىنشا، زاڭسىز ارەكەتتەردىڭ ناتيجەسىندە بىرقاتار ۇيىمدارمەن جالپى سوماسى 70 ملرد تەڭگەگە جۋىق كەلىسىمشارتتار جاسالعان.

ءتورت كۇدىكتى ۇستالىپ، تەرگەۋ يزولياتورىنا قامالدى.

تەرگەۋ امالدارى جالعاسۋدا.

قر قىلمىستىق-پروتسەستىك كودەكسىنىڭ 201-بابىنا سايكەس، باسقا اقپارات جاريا ەتۋگە جاتپايدى.

قر قما ءباسپاسوز قىزمەتى

ءبولىسۋ
وقي وتىرىڭىز