اپات 2023 جىلدىڭ قازان ايىندا بولعان ەدى. العاشقى جارىلىس ك2 قاباتىنان بولىنگەن مەتاننىڭ جانۋى ناتيجەسىندە بولعان. گاز مەحانيكالىق ۇشقىننان تۇتانىپ، مەتان قوسپاسىنىڭ جۇمىس ىستەمەيتىن ايماقتا جارىلۋىنا جانە شاحتا تۋننەلدەرىندەگى كومىر شاڭىنىڭ بىرنەشە رەت جارىلۋىنا اكەلدى.

"جارىلىس تارالۋ ۇزىندىعى شامامەن 6 كم قۇرادى", – دەپ حابارلادى.

تەرگەۋ بارىسىندا جۇمىس ۇيىمداستىرۋدا كەلەسى كەمشىلىكتەر انىقتالدى:

- №6 ۋچاسكەنىڭ ينجەنەرلىك-تەحنيكالىق قىزمەتكەرلەرى مەن كوستەنكو اتىنداعى شاحتا باسشىلارى تاراپىنان قاۋىپتى وندىرىستىك فاكتورلاردى ءتيىستى دەڭگەيدە باقىلاماۋ;

- 2023 جىلدىڭ قىركۇيەگىندە 48ك3-باتىس لاۆاسىندا بولعان وقيعالاردى ءتيىستى دارەجەدە تەكسەرمەۋ;

- شاڭدى-جارىلىسقا قارسى ءىس-شارالاردى ءتيىستى دەڭگەيدە ورىنداماۋ، ناتيجەسىندە جەر استى جۇمىستارى كەزىندە شاڭ مەن گازدىڭ ارتۋى، اپات قاۋپىن جوعارىلاتتى.

تەرگەۋ ناتيجەسىندە 10 كۇدىكتى انىقتالىپ، ولاردىڭ توعىزى قاماۋعا الىندى. ولاردىڭ قاتارىندا:

سەرگەي مۋستيۆكو – شاحتا ديرەكتورى، شاحتاداعى تاۋ-كەن جۇمىستارىن اپاتسىز جاعدايدا ۇستاۋعا، وندىرىستىك جانە ءورت قاۋىپسىزدىگى ەرەجەلەرىن ساقتاۋعا، جابدىقتاردى ۋاقتىلى جوندەۋگە جاۋاپتى;

نيكولاي گروزنوۆ – شاحتانىڭ باس ينجەنەرى، وندىرىستىك قاۋىپسىزدىك جاعدايىن باقىلاۋ، شاحتانىڭ گاز، شاڭ جارىلعىشتىق جانە كەن قاباتىنىڭ كەنەتتەن لاقتىرۋ قاۋپىن انىقتاۋ مىندەتتەرىنە جاۋاپتى;

ۆاديم ەريومين – ءوندىرىس بويىنشا ديرەكتوردىڭ ورىنباسارى، قاۋىپسىز جۇمىس جاعدايىن جانە شاحتا جابدىقتارىنىڭ سەنىمدىلىگىن قامتاماسىز ەتۋگە جاۋاپتى;

دميتري فەدورەنكو – تەحنيكا قاۋىپسىزدىگى بويىنشا باس ينجەنەردىڭ ورىنباسارى، شاحتاداعى تەحنيكا قاۋىپسىزدىگىن قامتاماسىز ەتۋگە جاۋاپتى;

ۆلاديمير شيشكانوۆ – جەلدەتۋ جانە تەحنيكا قاۋىپسىزدىگى ۋچاسكەسىنىڭ باستىعى، شاحتاداعى جەلدەتۋ جانە گاز رەجيمىن قامتاماسىز ەتۋگە جاۋاپتى;

ۆيتالي پەسترياك – جەلدەتۋ جانە تەحنيكا قاۋىپسىزدىگى ۋچاسكەسىنىڭ شاڭ-جارىلىسقا قارسى قورعاۋ جونىندەگى كومەكشىسى;ۆيكتور كوپتەنكوۆ – №6 ۋچاسكەنىڭ باستىعى، جەلدەتۋ، شاڭ-گاز رەجيمى جانە ورتكە قارسى شارالاردى قامتاماسىز ەتۋگە جاۋاپتى;

ت. گابدۋشەۆ – كونۆەيەرلىك كولىك ۋچاسكەسىنىڭ باستىعى، شاڭ-جارىلىسقا قارسى شارالاردى ورىنداۋعا مىندەتتى;

ۆلاديمير گوننوچەنكو – ءوندىرىس بويىنشا باس ينجەنەردىڭ ورىنباسارى، ءوندىرىستىڭ ينجەنەرلىك قامتاماسىز ەتىلۋىن باقىلاۋعا جاۋاپتى;

دميتري كوتسار – شاحتانىڭ باس مەحانيگى، شاحتا جابدىقتارىندا قاۋىپسىز جۇمىس جۇرگىزۋدى قامتاماسىز ەتپەگەنى ءۇشىن كۇدىكتى دەپ تانىلعان.

اپاتتان 74 ادام، سونىڭ ىشىندە قازا تاپقاندار مەن ءتىرى قالعان كەنشىلەردىڭ جاقىن تۋىستارى زارداپ شەگۋشى رەتىندە تانىلدى.

"قازىرگى ۋاقىتتا كۇدىكتىلەر ءىس ماتەريالدارىمەن تانىسىپ جاتىر. ءىس اياقتالعاننان كەيىن قاداعالاۋشى پروكۋرور ارقىلى سوتقا جولدانادى", – دەپ تۇيىندەدى باس پروكۋراتۋرا.

تراگەديا تۋرالى

2023 جىلدىڭ 28 قازانىنا قاراعان ءتۇنى كوستەنكو شاحتاسىندا 46 ادامنىڭ ءومىرىن قيعان جارىلىس بولدى. قايعىلى وقيعا بۇكىل قازاقستاندى ءدۇر سىلكىندىردى. پرەزيدەنت قاسىم-جومارت توقاەۆ قازا تاپقانداردىڭ وتباسىلارىنا كوڭىل ايتىپ، ولاردى جان-جاقتى كومەكپەن قامتاماسىز ەتۋدى تاپسىردى.