1 قاراشادان باستاپ استاناداعى ەكسپرەس اۆتوبۋستارعا ايلىق جول ءجۇرۋ بيلەتى قولدانىسقا ەنەدى. قالا ىشىندە قاتىنايتىن اۆتوبۋستارمەن ءجۇرۋدىڭ ايلىق بيلەتى 10 مىڭ تەڭگەدەن، قالا ءىشى مەن قالا ماڭىنا قاتىنايتىن اۆتوبۋستاردا ءجۇرۋدىڭ ايلىق بيلەتى 13 500 تەڭگە بولماق.

بۇل بيلەتتەردى «City Transportation Systems» جشس-ءتىڭ كاسسالارىنان نەمەسە بانكتەردىڭ ۇيالى قوسىمشالارى ارقىلى ونلاين ساتىپ الۋعا بولادى.

1 قاراشادان باستاپ الماتىنىڭ «مەدەۋ» مۇز ايدىنىندا قىسقى سىرعاناق ماۋسىمى باستالادى. وعان بيلەتتى كەشەننىڭ رەسمي سايتىنان جانە Kaspi.kz, Halyk ۇيالى قوسىمشالارىنان الۋعا بولادى.

مۇز ايدىنىنا مىنا ساناتقا جاتاتىن ادامدار تەگىن كىرە الادى:

• 6 جاسقا دەيىنگى بالالار;

• زەينەتكەرلەر;

• ۇلى وتان سوعىسىنىڭ قاتىسۋشىلارى، مۇگەدەكتەرى;

• اۋعانستان اۋماعىنداعى ۇرىس قيمىلدارىنا قاتىسۋشىلار;

• 1986-1987 جىلدارى چەرنوبىل اەس-ىندەگى اپاتتىڭ زارداپتارىن جويۋعا قاتىسقان ادامدار;

• I جانە II توپتاعى مۇگەدەكتەر; كوپ بالالى وتباسىنان شىققان، 18 جاسقا تولماعان بالالار;

• بالالار ۇيىندە تاربيەلەنۋشىلەر.

1 قاراشادان باستاپ بىرنەشە وڭىردە ەلەكتر قۋاتىنىڭ ءتاريفى وسەدى. ناقتى ايتساق:

«ب.نۇرجانوۆ اتىنداعى ەكىباستۇز گرەس-1» جشس-ءتىڭ ءتاريفى 1 كۆت/ساعاتقا 8,05 تەڭگەدەن 8,27 تەڭگەگە دەيىن;

• «ەۋرازيا ەنەرگەتيكالىق كورپوراتسياسى» اق-تا – 7,40 تەڭگەدەن 7,98 تەڭگەگە دەيىن;

• «استانا-ەنەرگيا» اق-تا – 8,49 تەڭگەدەن 9,28 تەڭگەگە دەيىن;

• «قازاقستان ءاليۋمينيى» اق-تا – 6,05 تەڭگەدەن 7,87 تەڭگەگە دەيىن;

• «ستەپنوگورسك جەو» جشس-تە – 22,58 تەڭگەدەن 28,97 تەڭگەگە دەيىن;

• «جاڭاجول گتەس» جشس-تە – 11,44 تەڭگەدەن 11,85 تەڭگەگە دەيىن;

• «ز-ەنەرگوورتالىق» اق-تا – 13,79 تەڭگەدەن 15,09 تەڭگەگە دەيىن;

• «تنك «كازحروم» اق-تا – 7,59 تەڭگەدەن 10,67 تەڭگەگە دەيىن.

11 قاراشادان باستاپ شوعىرلاندىرىلعان تولەم تاپسىرماسى كۇشىنە ەنەدى. بۇل تەتىك سالىق تولەۋشىلەردىڭ جۇمىسىن جەڭىلدەتۋگە ارنالعان. قاراپايىم تىلمەن ايتقاندا، بىرنەشە سالىقتىڭ ءتۇرىن ءبىر عانا قۇجاتقا ەنگىزۋ ارقىلى بىرىكتىرىپ تولەۋگە مۇمكىندىك بەرىلمەك.

14 قاراشادان باستاپ مۇنايدان سۇيىتىلعان گازدى قازاقستان اۋماعىنان اۆتوكولىك ارقىلى جانە تەمىرجولمەن سىرتقا شىعارۋعا تىيىم سالۋ تۋرالى ەنەرگەتيكا مينيسترلىگىنىڭ بۇيرىعى كۇشىنە ەنەدى. بۇل – ەلدىڭ ىشكى قاجەتتىلىكتەرىن وتەۋ ءۇشىن قابىلدانعان شەشىم. شەكتەۋ 6 ايعا مەجەلەنگەن.

بىراق بۇل تىيىمنىڭ ترانزيتتىك تاسىمالعا قاتىسى جوق. ياعني ەكسپورتتىڭ باستاپقى نۇكتەسى قازاقستان بولماۋى كەرەك.

30 قاراشادا جازعى دوڭگەلەكپەن ءجۇرۋ ماۋسىمى رەسمي اياقتالادى. ياعني 1 جەلتوقساننان باستاپ قىسقى دوڭگەلەكسىز جۇرگەن كولىك يەلەرىنە 5 ايلىق ەسەپتىك كورسەتكىش (18 460 تەڭگە) ايىپپۇل سالىنادى. قىسقا دوڭگەلەكپەن ءجۇرۋ ماۋسىمى 1 ناۋرىزعا دەيىن جالعاسادى.

11 قاراشادا ەلەكتروندى اۋەجاي مەن ۆوكزالداردا قازاقستاندىقتاردىڭ ەلەكتروندى قۇجاتتارىن زاڭدى قۇجات دەپ قابىلداۋ تۋرالى كولىك مينيسترلىگىنىڭ بۇيرىعى قوعامدىق تالقىلاۋدان الىنادى. بۇل شارا ەلەكتروندى قۇجاتتاردىڭ قولدانىس اياسىن كەڭەيتە تۇسۋگە ارنالعان.