Astana qalasynda jäne Türkıstan, Qostanai, Qyzylorda, Aqtöbe, Batys Qazaqstan oblystarynda balabaqşalar, mektepter men balalarǧa arnalǧan şyǧarmaşylyq ortalyqtary aşyldy. Türkıstan oblysynyŋ ekı bırdei auylynda - Eŋbek Dihan men Mankentte jaŋa mektepter esıgın aiqara aşty. Olardyŋ bırı Memleket basşysynyŋ bastamasymen jüzege asyrylǧan «Jaily mektep» ūlttyq jobasy aiasynda salynǧan. Būl mektep 600 oquşyǧa arnalǧan jäne zamanaui qauıpsızdık talaptaryna säikes keletın barlyq qajettı qūral-jabdyqtarmen qamtylǧan. Aita keteiık, būl Türkıstan oblysyndaǧy ekınşı «Jaily mektep» bolyp tabylady. Al elordada ekı auysymda 4 myŋ oquşyǧa arnalǧan 11-şı «Jaily mektep» aşyldy. Būl mektep Ürker tūrǧyn alabynda ornalasqan, ol oquşy orny tapşylyǧyn şeşuge septıgın tigızedı. «Jaily mektep» ūlttyq jobasy aiasynda 2026 jylǧa deiın Astanada 24 mektep salynady dep josparlanyp otyr. Batys Qazaqstan oblysynyŋ Oral qalasynda 400 oquşyǧa arnalǧan jaŋa mektep paidalanuǧa berıldı. Mektepte balalar şyǧarmaşylyǧyn damytu men demaluǧa arnalǧan keŋıstıkter, sondai-aq jeke şkaftar qarastyrylǧan. Sonymen qatar sport jäne akt zaldary, kıtaphana, ashana, şeberhana jäne 36 pändık kabinet bar. Qostanai oblysynyŋ Qostanai jäne Arqalyq qalalarynda ekı jaŋa memlekettık balabaqşa aşyldy. Būl mektepke deiıngı ūiymdar barlyq zamanaui standarttarǧa sai. Olar jatyn bölmelerımen, oiyn bölmelerımen, horeografiialyq, gimnastikalyq, muzykalyq jäne sport zaldarymen, pedagog-psiholog, logoped, medisinalyq, qosymşa bılım beru kabinetterımen qamtylǧan. Aita ketu kerek, osy jyldyŋ basynan berı elımızde 560-tan astam mektepke deiıngı ūiym aşyldy. Elımızdıŋ tört öŋırınde qosymşa bılım beru nysandary aşyldy. Mysaly, Aqtöbe oblysy Qarǧaly audanynyŋ Badamşa auylynda öner mektebı aşyldy. Onda 550-ge juyq bala bılım aluda.
Qyzylorda oblysynyŋ Jaŋaqorǧan audanynda ekı qosymşa bılım beru ūiymy – oquşylar saraiy men öner mektebı aşyldy. Būl mekemelerde 19 qosymşa bılım beru baǧyty boiynşa 250-den astam bala bılım alady. Sondai-aq Pavlodar oblysynyŋ Ekıbastūz qalasynda Memleket basşysynyŋ tapsyrmasymen salynǧan «Samǧau» balalardyŋ zamanui şyǧarmaşylyq üiı aşyldy. Ol «Balalarǧa qosymşa bılım beru jüiesınıŋ jaŋa ülgısı» ǧylymi-tehnikalyq baǧdarlamalary aiasynda 12 baǧyt boiynşa balalardy oqytuǧa arnalǧan joǧary tehnologiialarmen jabdyqtalǧan. Ortalyq künıne 3000-ǧa deiın balany qabyldaidy. Onyŋ ışınde erekşe bılım berudı qajet etetın oquşylar da bar.
2024-2025 oqu jylynyŋ basynan berı elımızde barlyǧy 500-den astam jaŋa bılım beru ūiymdary aşyldy.
