Qazırgı aumaly-tökpelı zamanda qūndylyqtar özgerıp, dästürge sıŋgen dünieler jaǧada qalyp qoiyp jatyr. Ökınıştısı sol, bızdıŋ qoǧam ökılderı mūndai «özgerısterge» tötep berıp, mäselenıŋ şeşu jolyn qarastyrudyŋ ornyna, materialdyq qūndylyqtardyŋ soŋyna tüsıp aldy. Alaida, janaşyrlyq tanytyp, dūrys joldy körsetkısı keletınder de joq emes. Bıraq, tym az... Būl mäsele boiǧa sıŋıp, qoǧamdyq sanada nyq ornasa, özgerıs jasau qiynǧa soǧady. Sondyqtan, bız qūndylyqtar auysqan uaqytta dästürımız, dınımız ben tılımızge qūrmetpen qaraityn, ata saltty boiǧa sıŋırgen ūrpaq tärbieleudıŋ jaŋa türın oilap taptyq. Būl – qazırgı balalar, öskeleŋ ūrpaqty ūlttyq än qorjynymen susyndatyp, dästürdı boida qaita jaŋǧyrtuǧa üles qosu edı. Osy maqsatta –«Anshi bala karaoke» jobasynyŋ negızın qaladyq. Ärine, mūndai ūlttyq jobany qolǧa almas būryn köptegen azamattarmen aqyldastyq, şeşım qabyldauǧa ūzaq uaqyt kettı. Sebebı, auyzben aitu oŋai, al ırgelı ıstı qolǧa alyp, jürgızu, qoǧamǧa yqpal etu qiynnyŋ qiyny ekenı ras.

Aita ketu kerek, būl - 20 jylǧa juyq uaqyt bılım beru salasynda qyzmet etıp kelgen jūbaiym Gülnar Orynbaiqyzynyŋ ideiasynan tuyndaǧan dünie edı. Ol ūstazdyqpen qatar, qoǧamdaǧy qazaq balalarynyŋ ūlttyq kelbetı, tärbiesı men tanymyna erekşe köŋıl bölıp keldı. Bala-baqşa, mektep jäne jeke vokal studiialarda mol täjıribe jinaǧan bılıktı maman. Bır künı, maǧan merekelık konsertterde, mektep baǧdarlamalarynda, bi sabaqtarynda qazaqşa änderdıŋ azdyǧy, tıptı, kei uaqyttarda taba almaitynyn aityp, oi tastady. Öz täjıribesınde tıptı şet el jäne orys tılındegı estradalyq änderdı qazaqşaǧa audaryp, kelsın kelmesın qoldanuǧa mäjbür bolatyn. Mıne, osy kezderı maǧan tereŋ oi keldı. Nege bızdıŋ balalarymyzǧa joǧary sapada, taǧylymdy taqyryptarda änder jazbasqa dep. Osyny nege jüielep ūsynbasqa degen oi qaida jürsem de sanadan şyqpai qoidy. Nätijesınde eŋ jaqsy dünienı nege balalarǧa ūsynbasqa degen keremet ideia tudy.

Äleumettık jelını tiımdı paidalana bılgen el ǧana, dästürlı qūndylyqtaryn saqtap qala alady dep oilaimyn.

Negızı ülken dünienı qolǧa alǧanda kezdesetın ortaq mäseleler bolady. Äsırese, ruhani dünielerdı qolǧa alǧanda. Sondyqtan da, osy jobany bastarda jäne ıske asyru barysynda köptegen qiyndyqqa tap boldyq. Mūny jasyrmaimyz. Bıraz azamattarǧa ūsynys aityp, demeuşı ızdep, tıptı, memlekettık mekemelerge hat jazyp, mardymda jauap almai köŋıl –küiımız tüsken sätter de kezdestı. Aşyǧyn aitu kerek, qoldau körsetıp, demeudıŋ ornyna, kerı pıkır aityp, jüiesız oi bıldırgender de kezdestı.

Allaǧa şükır, jüielı jūmystar men adal niettıŋ arqasynda jobamyzǧa demeuşı tabyla kettı. Osylaişa, baǧymyzǧa orai, käsıpker, mesenat jäne ūlt qūndylyqtarymyzǧa janaşyr azamattar tabylyp osy künde 200 den astam än jazyldy. Tūŋǧyş «Anshi bala karaoke» mobildı qosymşasy jasaldy. Bızdı oqyp otyrǧan janaşyr qauymnan, mümkındıgınşe el igılıgı jolyndaǧy jobamyzdy qoldap, tarata otyrsaŋyzdar degen ızgı niet bar. Mysaly, bala - baqşa, mektep, koledjderde barynşa qoldansa, aşyq sabaqtar men türlı konserttık şaralar bar barlyq jerde osy platformanyŋ igılıgın qoldanylsa degen maqsatymyzdy jetkızgımız keledı. Osy jobanyŋ ülken bılım platformasyna ainalyp ana tılın üirenuge jäne deŋgeiın jaŋa biıkke köteruge arnaiy oiyn platformalary arqyly da qol jetkızgımız keledı. Aldaǧy jyldar änderdıŋ sanyn arttyryp 1000 än jazdyryp qosymşadaǧy än tızımın tolyqtyrǧymyz keledı. Būl baǧytta bügınde qosymşa jūmystar atqarylyp jatyr.

Jobaǧa qatysuşylar sany artyp keledı.

Keremet nätije bar dep aituǧa bolady. Däl qazırgı taŋda «Anshi bala karaoke» youtube.com/@balakaraoke_kz iutub arnasynda 17 myŋǧa juyq qoldanuşylarymyz bar. Būl tamaşa körsetkış. Sebebı, būl auditoriia – özımızdıŋ segment. Iаǧni, jobanyŋ qatysuşylary men naqty qoldanuşylary. Ärine, mobildı qosymşamyzda jazyluşylyr sany älı azdau. Jaqynda ǧana aşyldy. Būl jūmystardy da ärı qarai jalǧastyratyn bolamyz. Bır quanarlyǧy, bala baqşa men mektepterde Iýtiub arna arqyly än sabaqtarynda ūstazdar men oquşylar bızdıŋ änderımızdı jiı qoldanyp jürgenın baiqaimyz. Teledidar arqyly üilerınde ata - analarymen bırge balalardyŋ än aityp jürgenın körıp jürmız. Endı, «Anshibala» qosymşamyz jaily köpşılık habardar bolsyn degen maqsatta 15 qazannan bastap Respublikalyq än baiqauyn jariialadyq. «Anshibala» qosymşasyn jüktep alyp saiysqa qatysqan är balaǧa syilyq tabystaudy josparlap otyrmyz. Ūlttyq jobamyzdy qoldauǧa at salysaiyq, aǧaiyn. Balalardy osy bastan ūlttyq deŋgeide tärbielesek, bolaşaǧymyz kemel bolatyny anyq.

Ruhani kapitalymyz - balalar men ata - analar

Osy jobamyzben elımızdıŋ belgılı azamattary men öner qairatkerlerı tanysyp, aq batasyn berıp jatqany bızdı quantady. Şabyt beredı. Küş syilaidy bızge. Türlı deŋgeide kezdesuler men kelıssözder ötkızıp jatyrmyz. Nätijesı şükır. Äsırese, bızdıŋ eŋ basty – ruhani kapitalymyz - balalar men ata - analardyŋ rizaşylyǧy maŋyzdy. Aldaǧy uaqytta äleumettık jelılerde jäne aqparat keŋıstıgınde qoldauşylardy köre jatarsyzdar dep oilaimyn. Sondyqtan, aldaǧy uaqyttary jaqsy nätijeler men tabysty şeşımder şyǧatynyna senemın.

Basty maqsat: jobany - halyqaralyq bılım platformasyna ainaldyru

Aldaǧy jospar - jobamyzdyŋ deŋgeiın jaŋa sapaǧa köterıp, qoldanuşylar sanyn arttyru. Sol arqyly, halyqaralyq bılım platformasyna ainaldyru. Aǧylşyn jäne orys tıldı qauymǧa qazaq tılın qysqa uaqytta jäne jeŋıl jolmenen üirettetın qūraldy ūsynu. Mıne, osyndai ūly maqsattar jolynda bırge bolyp, tılektestık tanytady degenge bek senemın. Sebebı, bızdıŋ joba bügıngı aǧymdaǧy tırlık ǧana emes, bolaşaǧy zor bastama!

Än ömırınde jaryq jūldyzdai säule şaşyp, airyqşa ızı qaldyramyn, qazaq halqynyŋ ūlttyq maqtanyşyna ainalamyz desek, öner qairatkerlerı men ruhani tūlǧalardy köptep şyǧaruymyz kerek. Osyndai igı oi är qazaqtyŋ kökeiınde boluy tiıs.

Qūrmettı oqyrman, alǧaşqy ūlttyq jobaǧa qoldau bıldırıp, belsendı qatysularyŋyzdy sūraimyz. Ol üşın tömendegı sıltemege kırıp, tırkelseŋız bolady.

https://www.instagram.com/anshibala.karaoke?igsh=OGQ5ZDc2ODk2ZA==

http://anshibala.kz/

Ädıl Häkımūly, «Anshi bala karaoke» jobasynyŋ negızın qalauşy