"5 mausym – Düniejüzılık qorşaǧan ortany qorǧau" künıne orai Qyzylorda oblysynda «Taza Qazaqstan» baǧdarlamasy aiasynda «Möldır būlaq» ekologiialyq aksiiasy ūiymdastyryldy. 

Tabiǧatty aialau men su közderınıŋ tazalyǧyn saqtau maqsatynda ötken şara öŋırdegı ekologiialyq mädeniettı qalyptastyruǧa jäne tūrǧyndardyŋ qorşaǧan ortaǧa degen jauapkerşılıgın arttyruǧa baǧyttaldy.

Aksiiaǧa oblystyq tabiǧi resurstar jäne tabiǧat paidalanudy retteu basqarmasy, oblystyq qoǧamdyq damu basqarmasy, oblystyq ekologiia departamentı, «Qazsuşar» RMK Qyzylorda filialy, Aral-Syrdariia basseindık inspeksiiasy qyzmetkerlerı jäne Qorqyt ata atyndaǧy Qyzylorda universitetınıŋ studentterı qatysty. Ekologiialyq şaraǧa 500-den astam adam jūmyldyrylyp, tazalyq jūmystaryn jürgızuge öz ülesterın qosty.

Aksiia barysynda tabiǧi su közderı men jaǧalau aumaqtarynda sanitarlyq tazalyq jūmystary jürgızılıp, nätijesınde 5,5 tonnadan astam tūrmystyq qaldyq şyǧaryldy. 

Jalpy, «Taza Qazaqstan» baǧdarlamasy aiasynda öŋırde sanitarlyq tazalyqty saqtau, abattandyru jūmystaryn küşeitu jäne qorşaǧan ortany qorǧau baǧytyndaǧy jūmystar jüielı türde jalǧasuda.