Bügın «Öner ortalyǧynda» Qyzylorda oblysynyŋ äkımı Mūrat Ergeşbaevtyŋ qatysuymen Mädeniet jäne öner qyzmetkerlerı künıne arnalǧan saltanatty şara öttı. Jiynǧa sala ardagerlerı, öner maitalmandary jäne ziialy qauym ökılderı qatysty.
Halqymyzdyŋ ruhani mūrasyn saqtap, erteŋge sabaqtastyru – memlekettık saiasattyŋ basym baǧyttarynyŋ bırı. Eldıgımızdıŋ ruhaniiat bairaǧyn kötergen mädeniet jäne öner qyzmetkerlerı Qorqyt ata mūrasyn, jyraular jädıgerın, talanttar tarihyn jalǧap, halyq qoşemetıne bölenıp keledı.
Memleket basşysynyŋ, Ükımettıŋ qoldauymen öŋırde 200-den astam äleumettık nysan salyndy. Onyŋ 22-sı – mädeniet nysany. Atap aitqanda, barlyq audanda «Ruhaniiat ortalyqtary» boi köterse, Qyzylordada «Öner ortalyǧy», «Anaǧa taǧzym» jäne «Otbasy ortalyǧy» el igılıgıne qyzmet etude. Tarihi-ölketanu muzeiınıŋ, «Dostyq üiınıŋ» jaŋa ǧimarattary aşyldy. Balalardyŋ şyǧarmaşylyq jäne ziiatkerlık qabıletın damytu maqsatynda «Oquşylar saraiy» men «Syr jūldyzdary» akademiiasy ıske qosyldy.
Bügınde Qyzylordada Memleket basşysynyŋ Ūlttyq qūryltaida bergen tapsyrmasyna säikes jaŋa drama teatr men Prezidenttık kıtaphana qūrylysy jürıp jatyr.
Salaǧa biyldyŋ özınde 6 mlrd teŋgeden astam qarjy bölındı.
Mūrat Nälqojaūly öz sözınde mädeniet pen ruhaniiattyŋ qoǧam ömırındegı airyqşa maŋyzyn atap öttı.
«Memleket basşysy Qasym-Jomart Kemelūly: «Mädeniet – ūlttyŋ tölqūjaty. Jahan jūrty elımızdı, eŋ aldymen, önerımız arqyly tanyp bıledı», – degen bolatyn.
Eldıŋ ruhani tıregın nyqtap, ūlttyŋ ūly mūrasyn saqtauda aianbai eŋbek etıp jürgen barşa mädeniet qyzmetkerlerıne Syr jūrtşylyǧy atynan şynaiy rizaşylyǧymdy bıldıremın.
Öner men ruhaniiattyŋ örısı keŋeiıp, mädenietımızdıŋ märtebesı ärdaiym biık bolsyn! Elımızdıŋ ruhani damuyna qosyp jürgen eŋbekterıŋız jemıstı bolyp, şyǧarmaşylyq tabystaryŋyz arta bersın.
Sızderge zor densaulyq, şalqar şabyt, otbasylaryŋyzǧa amandyq pen baq-bereke tıleimın. Qazaqtyŋ qasiettı önerı men mädenietı ūrpaq sanasynda mäŋgı jaŋǧyra bersın!», – dedı aimaq basşysy.
Merekelık şarada saladaǧy asa üzdık jetıstıkterı jäne elge sıŋırgen airyqşa eŋbegı üşın bırqatar azamat «Qūrmet» ordenımen, Mädeniet jäne aqparat ministrlıgınıŋ «Eŋbek ardagerı», «Mädeniet salasynyŋ üzdıgı» tösbelgılerımen, Qūrmet gramotasy jäne Alǧys hatpen marapattaldy.
Sonymen qatar sala mamandaryna QR Premer-ministrınıŋ bırınşı orynbasary Nūrlybek Nälıbaevtyŋ Alǧys haty berılıp, olardyŋ el mädenietınıŋ örkendeuı jolyndaǧy eŋbegı joǧary baǧalandy.
Syr elınıŋ ruhani-mädeni damuyna qosqan ülesı üşın bırqatar azamatqa oblystyŋ Qūrmet gramotasy jäne oblys äkımınıŋ Alǧys haty tabystaldy. Ädebiet pen öner salasynda erekşe qoltaŋbasymen tanylǧan şyǧarmaşylyq ökılderıne jyl saiyn berıletın oblys äkımınıŋ dästürlı «Tūran» syilyǧyna biyl 19 adam ie boldy.
Käsıbi merekede sahnada Tūrmaǧambet atyndaǧy halyq aspaptar orkestrı, «Tomiris» bi, «Qorqyt sazy» qobyzşylar, Qorqyt ata atyndaǧy Qyzylorda universitetınıŋ qyzdar vokaldy ansamblderı, Qazanǧap atyndaǧy muzykalyq joǧary kolledjınıŋ baianisterı, Qaraköz Aqdäuletova atyndaǧy balalar studiiasy jäne «Syr sanduǧaştary» balalar vokaldy toby, kameralyq hor ūjymy, klassikalyq änder şeruımen Europanyŋ talǧampaz körermenınıŋ ystyq yqylasyna bölengen änşıler öner körsettı.
Is-şara barysynda qatysuşylar arnaiy ūiymdastyrylǧan körmenı aralap kördı. Körmege öŋırdıŋ ruhani-mädeni bolmysyn tanytatyn qūndy eksponattar, qolöner şeberlerınıŋ tuyndylary, tarihi jädıgerler jäne jergılıktı önerpazdardyŋ şyǧarmaşylyq jūmystary qoiylyp, köpşılık nazaryna ūsynyldy.
Qyzylorda oblysy äkımınıŋ baspasöz qyzmetı
