IIM Ūlttyq ūlannyŋ "Batys" öŋırlık qolbasşylyǧyna qarasty 3502 äskeri bölımınıŋ jedel qamtamasyz etu rotasynyŋ 1-vzvodynyŋ aǧa mamany efreitor Nūrǧazy Täşınbekovke "Jauyngerlık erlıgı üşın" memlekettık nagradasyn - medalın tapsyru maŋyzdy sätterdıŋ bırı boldy. Ol qyzmettık jauyngerlık tapsyrmalardy oryndau kezınde batyldyq, tabandylyq jäne käsıbilık tanytqany üşın osy marapatqa ie boldy. Marapatty öz qolynan tapsyra otyryp, Prezident mūndai äskeri qyzmetşılerdıŋ Otanǧa degen adaldyǧy men batyldyǧy jauyngerlık ruhty nyǧaitatynyn jäne ülgı bolatynyn atap öttı. Sondai-aq Memleket basşysy Qazaqstan armiiasy ūlttyq qauıpsızdık pen tūraqtylyqtyŋ kepılı bolyp qala beretınıne senım bıldırdı.

- Prezidenttıŋ qolynan medal alu — ülken qūrmet pen jauapkerşılık. Men būl marapatty tek özıme emes, sonymen qatar qūqyqtyq tärtıp äskerlerıne berılgen baǧa retınde qabyldaimyn. Bız bırge qyzmet atqaramyz, tapsyrmalarǧa bırge şyǧamyz jäne ärqaisymyz öz elımızdıŋ qauıpsızdıgı üşın soŋyna deiın qyzmet etuge daiynbyz, -  dedı Nūrǧazy Täşınbekov.

Prezident barlyq äskeri qyzmetşıge adal qyzmetı üşın alǧys aityp, zor densaulyq, amandyq jäne alǧa qoiylǧan mındetterdı oryndauda tabys tıledı.

Aqparat közı Polisia.kz