Ǧani Beisembaev ata-analar komitetınıŋ ökılderıne arnalǧan «Balalardyŋ äl-auqaty men qauıpsızdıgı: ata-ana men mekteptıŋ bırlesken jauapkerşılıgı» seminar-treningıne qatysty. Oǧan elımızdıŋ barlyq öŋırınen 500-ge juyq ata-ana jinaldy. Ministr ata-analardy balalardyŋ tärbiesıne erekşe köŋıl böluge şaqyrdy jäne ata-ana men mekteptıŋ yntymaqtastyǧyn arttyru, ata-analar komitetterınıŋ rölın nyǧaitudyŋ maŋyzdylyǧyna toqtaldy. «Balalardy oqytu men tärbieleu prosesınde ortaq jauapkerşılık boluy kerek - būl bız ūmtyluymyz kerek negızgı qūndylyq. Ol eŋ aldymen ata-ananyŋ basty jauapkerşılıgınde, memleket pen mektep tarapynan olarǧa qoldau körsetıp, ärbır balanyŋ jan-jaqty damuyna jaǧdai jasauda. Tärbie otbasynan bastalatynyn este ūstaǧan jön. Ata-ana ūstazǧa degen qūrmettıŋ ülgısın körsetuı kerek, öitkenı bala ata-anasynyŋ ainasy», – dedı Ǧani Beisembaev.
Onyŋ aituynşa, balalardyŋ qauıpsızdıgın qamtamasyz etu, qūqyqtaryn qorǧau, olardyŋ damuyna qolaily jaǧdai jasau – memlekettık saiasattyŋ eŋ maŋyzdy basymdyǧy. Būl baǧytta auqymdy şaralar atqaryluda. Bes jylda elımızde 1 mln oquşy ornyna arnalǧan 1 myŋnan astam mektep aşyldy. Alǧaş ret ötken jyldan bastap 1,7 millionnan astam bastauyş synyp oquşylary men äleumettık osal otbasylardan şyqqan balalar tegın tamaqpen qamtyldy.
«Memleket balalar üşın qauıpsız jäne ergonomikalyq bılım ortasyn qūrudy jalǧastyruda. Būl rette Memleket basşysynyŋ bastamasymen qalalar men şalǧaidaǧy auyldardy da qamtityn «Jaily mektep» Ūlttyq jobasy ıske asyryluda. Ötken jyldan bastap barlyq bılım beru ūiymdarynda «Bırtūtas tärbie» baǧdarlamasy engızılıp, onyŋ aiasynda balalardy tärbieleude ata-analardyŋ psihologiialyq-pedagogikalyq jäne äleumettık qūzyrettılıgın arttyruǧa, pozitivtı ata-ana mädenietın qalyptastyruǧa baǧyttalǧan Ata-analardy pedagogikalyq qoldau ortalyqtary aşyldy», – dep atap öttı ministr. Būl seminar-trening «Bırtūtas tärbie» baǧdarlamasy aiasynda ūiymdastyryldy. Tärbie jūmysy boiynşa negızgı tört taqyrypqa bölıngen diskussiialyq alaŋdar ūiymdastyryldy. Sonymen qatar qazaqstandyq suretşı Aŋsaǧan Mūstafanyŋ taqyryptyq körmesı ötıp, ata-analarǧa qazırgı zaman jaǧdaiynda balalarmen emosionaldy bailanys ornatu täsılderı, janjaldardy eŋseru jäne otbasy men mektepte senımdı atmosfera qūru boiynşa ädıstemelık qūraldar ūsynyldy.
