Bügın Qyzylordada oblys äkımı Nūrlybek Nälıbaevtyŋ qatysuymen oblys äkımdıgı jäne Qazaqstannyŋ Azamattyq Aliansymen bırlesıp ūiymdastyruymen «Auyldyq aimaqtardy damytudaǧy azamattyq qoǧamnyŋ rölı» atty azamattyq forum öttı.
Oǧan Parlament Senatynyŋ deputaty Nauryzbai Baiqadamov, Mäjılıs deputaty Mūrat Äbenov, Qazaqstannyŋ Azamattyq aliansy prezidentı Banu Nūrǧazieva, Mädeniet jäne aqparat ministrlıgınıŋ Azamattyq qoǧam ısterı komitetı töraǧasynyŋ orynbasary Janargül Äljanova, «Qazaqstan halqyna» qoǧamdyq qorynyŋ basqarma töraǧasy Läzzat Şyŋǧysbaeva, Ortalyq Aziiadaǧy Euraziia qorynyŋ direktory Rinad Temırbekov, elımızdıŋ bırqatar öŋırınen qonaqtar men jauapty sala basşylary qatysty.
Aimaq basşysy azamattyq sektor halyq pen bilıktıŋ arasynda altyn köpırge ainalǧan ortaq alaŋ ekenın aitty.
«Bügınde elımızdıŋ damuyn aiqyndaityn körsetkışterdıŋ bırı – azamattyq sektor. Memlekettıŋ tabystylyǧy ükımettık emes ūiymdardyŋ jemıstı ärı tiımdı qyzmetıne tıkelei bailanysty.
Prezidentımız Qasym-Jomart Kemelūly halyqqa arnaǧan Joldauynda: «Azamattyq qoǧamǧa qoldau körsetıp, onyŋ äleuetın nyǧaita tüsu kerek. Sondai-aq, asa maŋyzdy jalpy memlekettık mındetterdı şeşu üşın talqylau jūmystaryna azamattyq qoǧamnyŋ mümkındıkterın keŋınen qoldanu qajet»,– dep atap ötken bolatyn.
Täuelsızdıktıŋ alǧaşqy jyldarynda aimaǧymyzda 15 qoǧamdyq ūiym bolsa, bügınde olardyŋ qatary myŋǧa juyqtady. Onyŋ 300-ı öŋırımızdıŋ qoǧamdyq-saiasi, mädeni-ruhani ömırıne belsendı aralasuda. Būl qoǧamda azamattyq jauapkerşılık pen belsendılıktıŋ artqanyn aiqyn körsetedı.
Barlyq audanda ükımettık emes ūiymdarmen özara ıs-qimyl jäne yntymaqtastyq jönındegı keŋester, jüzege asyrylatyn jobalardyŋ tiımdılıgı men özektılıgın baǧalaityn sarapşylyq toptar jūmys ısteidı. Äkımdıkter janyndaǧy keŋester men komissiialardyŋ jūmysyna 190 ükımettık emes ūiym ökılı belsendı qatysady.
Jyl saiyn memlekettık tapsyrys arqyly azamattyq qoǧam instituttaryna qarjylai qoldau körsetılıp keledı. 2023-2025 jyldary memlekettık äleumettık tapsyrys aiasynda biudjetten 3 mlrd. 684 mln. teŋge qarajat bölınıp, 427 äleumettık joba ıske asyryluda, 3 myŋ adam jūmyspen qamtylǧan. Äleumettık jobalardyŋ 200-ge juyǧy auyl tūrǧyndarynyŋ qatysuymen ūiymdastyryldy. Basym bölıgı halyqtyŋ äleumettık osal toptaryna kömek körsetuge, qoǧamdyq kelısımdı, ūlttyq bırlıktı nyǧaituǧa, halyqty jūmyspen qamtuǧa järdemdesuge baǧyttalǧan.
Qoǧamdyq qauymdastyqtyŋ köşbasşylary retınde bärıŋızdı Ädılettı, Taza, Qauıpsız Qazaqstandy qūru jolynda halyqtyŋ bırlıgın arttyruǧa, egemen elımızdıŋ jarqyn bolaşaǧyna bırlese qyzmet etuge şaqyramyn!», – dedı N.Nälıbaev.
Basqosuda N.Baiqadamov, M.Äbenov, R.Temırbekov, L.Şyŋǧysbaeva, J.Äljanova, B.Nūrǧazieva söz söilep, azamattyq qoǧam instituttarynyŋ maŋyzdylyǧyna toqtaldy.
Sondai-aq, öŋırdıŋ ösıp-örkendeuıne üles qosqan azamattarǧa oblystyŋ Qūrmet gramotasy, oblys äkımınıŋ, Qazaqstannyŋ Azamattyq aliansy töraiymynyŋ Alǧys haty tabystaldy.
Forumǧa deiın Syrdariia audanynyŋ Naǧi Iliiasov, Besaryq auyldarynda seksiialyq otyrystar ötkızıldı. Onda auyldyŋ äleumettık mäselelerın şeşu, tūrǧyndardyŋ ömır süru sapasyn jaqsartu, qoǧamdyq baqylau jürgızuge ükımettık emes ūiymdardy tartu mäselelerı qozǧaldy. ÜEŪ turaly jaŋa zaŋ jobasy talqylanyp, tiıstı ūsynymdar qabyldandy.
