Бұл туралы Ras.kz тілшісі Yonhap ақпарат агенттігіне сілтеме жасап хабарлайды.

«Солтүстік Корея түске таман әскери демаркация сызығының солтүстігіндегі Кёнги және Тонхэ жолдарының бөліктерін жарып жіберді», - деп келтірді агенттік Корея Республикасы Біріккен штаб бастықтарының мәлімдемесін.

Әскерилер жағдайды қадағалап, бақылауды күшейткенін қосып өтті.

Оңтүстік Корея билігі КХДР жолдарды жаруға дайындалып жатқанын бір күн бұрын хабарлады.

Пхеньян бұған дейін оңтүстікке апаратын барлық автомобиль жолдары мен темір жолдарды жауып тастауға ниетті екенін мәлімдеген.

Сондай-ақ, Солтүстік Корея билігі екі Кореяны бөліп тұрған белгіленген аймақ маңында танкке қарсы тосқауылдар салу және шекараны нығайту үшін өз жағындағы жол шамдарын бұзып, олардың бойына миналар қойғаны, сондай-ақ әскерлерді орналастырғаны хабарланды.