Абай облыстық полиция департаменті баспасөз қызметінің мәліметіне сүйенсек, қазіргі уақытта тәртіп сақшылары күдіктіні іздестіріп жатыр.

«Істің барлық мән-жайын анықтауға бағытталған жедел іздестіру шаралары жүргізіліп жатыр. Тиісті сараптамалар тағайындалған. Жаңа туған нәрестенің өліміне қатысты сотқа дейінгі тергеу басталды», - делінген ақпаратта.

Қазақстан Республикасындағы Бала құқықтары жөніндегі уәкіл Динара Зәкиева шақалақтың сағат 19.40-та көз жұмғанын мәлім етті.

«Оның денесінің 80 пайызын күйік шалған. Абай облысындағы Бала құқықтары жөніндегі уәкілмен байланыстамын», - деп жазды ол өзінің әлеуметтік желідегі парақшасында.

Еске салсақ, осыдан екі жыл бұрын Алматы облысының Сарқан ауданында қоқыста үш ай бойы жатқан бес жасар баланың мүрдесі табылған болатын.