Қ.Тоқаев Н.Қызайбайды тарихи жеңісімен құттықтады

Мемлекет басшысы Қасым-Жомарт Тоқаев алтын қанжығалап, үш дүркін Әлем чемпионы атанған Назым Қызайбайды тарихи жеңісімен құттықтады, - деп хабарлайды Ras.kz порталы Ақордағы сілтеме жасай отырып

Ұлттық олимпиада комиеті таратқан ақпаратта, 2024 жылғы Олимпиада ойындарының қола жүлдегері Назым Қызайбай бокстан Сербияның Ниш қаласында өтіп жатқан әлем чемпионатының финалында жеңіске жеткені хабарланған. Ол 48 келіге дейінгі салмақта сәтті өнер көрсетті. Қазақстандық боксшы ақтық сында ресейлік Юлия Чумгалаковамен кездесті. Үш раундтың қорытындысы бойынша Назым айқын басымдықпен жеңді.

Осылайша Назым Қызайбай үшінші рет әлем чемпионатының финалында жеңіске жетті. Бұған дейін ол 2014 және 2016 жылы жеңіс тұғырының биігіне көтерілген еді.

Мемлекет басшысы Қ.Ж.Тоқаев әлеуметтік желідегі парақшасында былай деді: 

- Назым Қызайбайды отандық бокс тарихында тұңғыш рет үш дүркін Әлем чемпионы болуымен құттықтаймын. Бұл  - айтулы жетістік! Сербияда өтіп жатқан Әлем біріншілігінде үздік нәтиже көрсеткен Ұлттық құрама мүшелеріне алғыс айтамын. Спортшы қыздарымыздың алдағы уақытта да үлкен жеңістерге жете беруіне тілектестік білдіремін 

Бөлісу