شىعىس قازاقستان وبلىسى بويىنشا قما دەپارتامەنتى 2020–2023 جىلدار ارالىعىندا شقو مەن اباي وبلىسىنىڭ اۋماعىندا ورنالاسقان جەتى الەۋمەتتىك ماڭىزى بار نىساننىڭ قۇرىلىسىنا تەحنيكالىق قاداعالاۋ جۇرگىزگەن «ۆوستوك ينجينيرينگ» جشس باسشىسىنا قاتىستى تەرگەۋ امالدارىن جۇرگىزۋدە.
كومپانيانىڭ مىندەتىنە قۇرىلىس-مونتاج جۇمىستارىنىڭ كولەمىن، ساپاسىن جانە جوبالىق-سمەتالىق قۇجاتتاماعا سايكەستىگىن باقىلاۋ، سونداي-اق دەنە شىنىقتىرۋ-ساۋىقتىرۋ كەشەندەرى، سۋمەن جابدىقتاۋ نىساندارى مەن جاعالاۋدى بەكىتۋ قۇرىلىستارىن سالۋ كەزىندە ناقتى ورىندالعان جۇمىستاردى راستاۋ كىرگەن.
الايدا كورسەتىلگەن قىزمەتتەر ءۇشىن تولەم العانىنا قاراماستان، قۇرىلىسقا ءتيىستى باقىلاۋ جۇرگىزىلمەگەن. كاسىپورىن باسشىسى ورىندالعان جۇمىس كولەمدەرى تۋرالى جالعان مالىمەتتەر قامتىلعان اكتىلەرگە قول قويىپ وتىرعان.
ءتىنتۋ بارىسىندا مورلەردىڭ كوشىرمەلەرى مەن جالعان اكتىلەر انىقتالدى.
مەملەكەتكە كەلتىرىلگەن زالال 1,2 ملرد تەڭگەدەن استى.
جشس باسشىسى ىزدەۋگە جاريالاندى، سوتتىڭ سانكتسياسىمەن وعان قاتىستى قاماۋدا ۇستاۋ تۇرىندەگى بۇلتارتپاۋ شاراسى قولدانىلدى.
قازاقستان رەسپۋبليكاسى قپك-ءنىڭ 201-بابىنا سايكەس وزگە اقپارات جاريالاۋعا جاتپايدى.
قر قما ءباسپاسوز قىزمەتى