ويىننىڭ نەگىزگى ۋاقىتىندا كوماندالار 3:3 ەسەبىمەن تەڭ ءتۇسىپ، قوسىمشا ۋاقىتتا قازاقستان قۇراماسى 4:7 ەسەبىمەن ەسە جىبەردى، - دەپ حابارلايدى ورتالىقتىڭ ءباسپاسوز قىزمەتى. «ويىن بارىسى تارتىستى ءوتتى. قازاقستان سپورتشىلارى سوڭعى سەكۋندتارعا دەيىن جوعارى دەڭگەيدەگى ويىن كورسەتتى. الايدا قارسىلاستارىمىز وسال بولمادى. يران كومانداسى وسىمەن ەكىنشى رەت سۋردو فۋتزالدان الەم چەمپيونى اتانىپ وتىر. ەستۋ قابىلەتى زاقىمدانعان سپورتشىلار اراسىندا فۋتزالدان العاشقى الەم چەمپيوناتى مالايزيادا 2022 جىلى ءوتىپ، فينالعا قازاقستان مەن يران شىققان بولاتىن. ەكى جىل بۇرىن دا ەلىمىزدىڭ سپورتشىلارى ەكىنشى ورىنعا تۇراقتاعان ەدى. دەگەنمەن ۇلتتىق قۇرامانىڭ دارەجەسى ءوسىپ، سۋردو فۋتزالعا ەلىمىزدە قىزىعۋشىلىق ارتىپ كەلە جاتقانىن ايتۋعا بولادى. قازىردە وسى سپورتپەن ەلىمىزدە 3000-نان استام سپورتشى قاتىسادى. ەلوردادا وتكەن الەم بىرىنشىلىگى سۋردو فۋتزالدىڭ ودان ءارى دامۋىنا اسەر ەتەتىندىگىنە سەنەمىن. جارىستى وتكىزۋگە قولداۋ كورسەتكەن تۋريزم جانە سپورت مينيسترلىگىنە، دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنا، SportQory جانە «سامۇرىق-قازىنا» اق العىس بىلدىرەمىز»، - دەدى قازاقستان ۇلتتىق سۋردو فۋتبول جانە فۋتزال فەدەراتسياسىنىڭ پرەزيدەنتى مەيرامبەك ماحامبەتوۆ. چەمپيونات ناتيجەسى بويىنشا ءبىرىنشى ورىندى يران، ەكىنشى ورىندى قازاقستان، ال ءۇشىنشى ورىندى برازيليا قۇراماسى يەلەندى. ايتا كەتسەك، 21 جاسقا دەيىنگى ەستۋ قابىلەتى زاقىمدانعان سپورتشىلار اراسىندا سۋردو فۋتزالدان الەم چەمپيوناتى العاش رەت استانادا 1-10 ماۋسىم ارالىعىندا ءوتتى. جارىسقا ۋكراينا، برازيليا، قازاقستان، يران، ومان، ساۋد اراۆياسى، وزبەكستان، تاجىكىستان، ازەربايدجان جانە تايلاند مەملەكەتتەرى قاتىستى.
ارىپتەستىك نەگىزدە