قالا پروكۋراتۋراسىنىڭ ۇيلەستىرۋىمەن ەلوردا اۋماعىندا ازاماتتاردىڭ قاراجاتىن ءتيىستى رۇقساتسىز زاڭسىز تارتۋ فاكتىسى انىقتالدى. قۇرىلىس سالۋشى «INTER Stroy Astana» جشس «QURMANGAZY» كوپقاباتتى ءۇي سالۋ ءۇشىن ۇلەسكەرلەردىڭ اقشاسىن قابىلداعان. قۇرىلىسقا تاپسىرىس بەرۋشى وبەكتىدە جەرگە ءتيىستى قۇقىق، زاڭدا بەلگىلەنگەن تارتىپپەن ساراپتامادان وتكەن جوبالاۋ-سمەتالىق قۇجاتتاما، تەحنيكالىق جانە اۆتورلىق قاداعالاۋلاردى سۇيەمەلدەۋ جانە قۇرىلىس-مونتاجداۋ جۇمىستارىن جۇرگىزۋدىڭ باستالعانى تۋرالى حابارلاما بولماعان، وسىعان قاراماستان قۇرىلىس-مونتاجداۋ جۇمىستارىن باستادى، بۇل ءوز كەزەگىندە «ساۋلەت، قالا قۇرىلىسى جانە قۇرىلىس تۋرالى» قازاقستان رەسپۋبليكاسى زاڭىنىڭ تالاپتارىن بۇزۋ بولىپ سانالادى. وسىلايشا، قۇرىلىس سالۋشىعا قاتىستى اكىمشىلىك قۇقىق بۇزۋشىلىق تۋرالى حاتتاما جاسالدى، وعان جول بەرىلگەن بۇزۋشىلىقتاردى جويۋ تۋرالى نۇسقاما بەرىلدى. بەرىلگەن نۇسقامانى ورىنداۋ ءۇشىن قۇرىلىس سالۋشى ەرىكتى تۇردە زاڭسىز وبەكتىنى بۇزۋ بويىنشا ءىس-شارا جۇرگىزەدى.
ەستەرىڭىزگە سالا كەتەيىك، ۇلەسكەرلەردىڭ قاراجاتىن ءتيىستى رۇقساتسىز قابىلداۋعا «تۇرعىن ءۇي قۇرىلىسىنا ۇلەستىك قاتىسۋ تۋرالى» قازاقستان رەسپۋبليكاسىنىڭ زاڭناماسىمەن تىيىم سالىنادى، بۇل رەتتە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 320-بابى، سونداي-اق قازاقستان رەسپۋبليكاسى قىلمىستىق كودەكسىنىڭ 214-بابى بويىنشا كاسىپكەرلىك قىزمەتتىڭ تىيىم سالىنعان تۇرلەرىمەن اينالىسقانى ءۇشىن جاۋاپكەرشىلىك كوزدەلگەن.