بۇگىنگى تاڭدا 13 ملرد تەڭگەدەن استام قاراجات وتەلدى. بۇل تۋرالى قما مەن جوعارى ءبىلىم جانە عىلىم مينيسترلىگىمەن بىرلەسىپ ەلىمىزدىڭ 100-دەن استام جوعارى وقۋ ورىندارى ءۇشىن ۇيىمداستىرىلعان قۇقىقتىق مادەنيەت جانە قارجىلىق ساۋاتتىلىقتى ارتتىرۋ جونىندەگى ۆەبينار بارىسىندا بەلگىلى بولدى. شارا «ءتارتىپتى وزىڭنەن باستا!» ەستافەتاسى اياسىندا وتكىزىلدى. اگەنتتىكتە الاياقتىق جوبالاردىڭ ومىرلىك تسيكلىن جانە ولارعا تارتىلعان سالىمشىلار سانىن قىسقارتۋعا باعىتتالعان "قارجى پيراميدالارىنا قارسى ءىس-قيمىل" ارنايى جوباسى ەنگىزىلدى. اعىمداعى جىلدىڭ باسىنان بەرى ينتەرنەت كەڭىستىگىندە 47 قارجى پيراميداسى انىقتالدى. ولارعا قاتىستى الەۋمەتتىك جەلىلەردە 300-گە جۋىق چات جابىلىپ، شامامەن 2 ميلليونعا جۋىق قاتىسۋشى – الەۋەتتى سالىمشىلار بولعان. وسى جىلى الەۋمەتتىك جەلىلەردى تالداۋ ناتيجەسىندە قارجى پيراميداسى بەلگىلەرى بار سايتتارعا 11,7 مىڭنان استام سىلتەمە بۇعاتتالدى. ۆەبينار بارىسىندا قاتىسۋشىلارعا جيناقتارىن سالۋ كەزىندە نازار اۋدارۋ قاجەت نەگىزگى بەلگىلەر تۋرالى ايتىلدى:
• تاۋەكەلدەرسىز جانە كۇش-جىگەرسىز جوعارى تابىس ۋادە ەتۋ;
• جاڭا كليەنتتەردى مىندەتتى تۇردە تارتۋ;
• ينتەرنەتتە بەلسەندى جارناما جاساۋ;
• كومپانيانىڭ قازاقستان رەسپۋبليكاسىندا تىركەلمەۋى نەمەسە جاقىن ارادا تىركەلۋى;
• زاڭدىق سۇيەمەلدەۋدىڭ بولماۋى (شارتتىڭ بولماۋى نەمەسە تاراپتاردىڭ مىندەتتەمەلەرىنسىز جاسالۋى);
• سالىمداردى قولما-قول اقشامەن، كريپتوۆاليۋتا ارقىلى نەمەسە بانكتەردىڭ قاتىسۋى بولمايتىن تولەم جۇيەلەرى ارقىلى قابىلداۋ.
ايتا كەتەيىك، اگەنتتىكتە قارجى پيراميدالارىنىڭ بەلگىلەرىن تەكسەرۋگە مۇمكىندىك بەرەتىن «Baiqa, piramida!» Telegram-بوتى ىسكە قوسۋلى. ەگەر ءسىز نەمەسە جاقىندارىڭىز قارجى پيراميداسىنىڭ ارەكەتىنە تاپ بولسا، تۇرعىلىقتى جەرىڭىز بويىنشا ەكونوميكالىق تەرگەپ-تەكسەرۋ دەپارتامەنتىنە جۇگىنۋدى سۇرايمىز.
ازاماتتاردى ساق بولۋعا جانە كۇماندى قارجىلىق ۇيىمدارعا جيناقتارىن سالماۋعا شاقىرامىز.
فوتو اشىق دەرەككوزدەردەن