قاسىم-جومارت توقاەۆ پەن سادىر جاپاروۆ بىشكەك قالاسىنداعى №33 مەكتەپ-گيمنازيانى بىرگە ارالاپ كوردى.
بۇل عيماراتتا ۇلى وتان سوعىسى جىلدارى فرۋنزە جاياۋ اسكەر ۋچيليششەسى ورنالاسقان. قازاقستان پرەزيدەنتىنىڭ اكەسى – سوعىس ارداگەرى، جازۋشى كەمەل توقاەۆ ءدال وسى جەردەن مايدانعا اتتانعان.
ءبىلىم وشاعىنا ك.توقاەۆ ەسىمىن بەرۋ تۋرالى باستامانى پرەزيدەنت سادىر جاپاروۆ بيىل مامىر ايىندا كوتەرگەن بولاتىن.
مەملەكەت باسشىسى ءبىلىم ورداسىنىڭ ۇستازدارىمەن جانە وقۋشىلارىمەن اڭگىمەلەستى.
