قازىرگى تاڭدا قوعامدى الاڭداتىپ وتىرعان تاقىرىپتاردىڭ ءبىرى – بيشىمباەۆتىڭ ءىسى قالاي بولادى ەكەن دەگەن سۇراق. بۇل جەردە مەنىڭ پىكىرىمشە، ارينە، قىلمىستىق ءىستى باسىنان اياعىنا شەيىن تولىق قاراعان جوقپىن. مەنىڭ ويىم، تۇسىنگەنىم ق. بيشىمباەۆ كەلىنشەگىن جاقسى كورەدى. سوعان بايلانىستى ونى ولتىرەيىن دەگەن ويى بولعان جوق. تەك، اشۋ ناتيجەسىندە وسىنداي جاعداي ورىن الدى. ءوزىمنىڭ ويىم، 10-15 جىل الادى دەگەن پىكىردەمىن. قىلمىستىق ىستەر پروتسەسىندە مىناداي جايت قولدان ءوتتى. ءبىر وقيعانى ايتايىن. پوەزدىڭ تامبۋرىندا جولاۋشى مەن جول سەرىك توبەلەسىپ قالادى. سوڭى، كىسى ولىمىنە الىپ كەلەدى. كەيىن، سوت پروتسەسىندە ايىپتالۋشى ابايسىزدا ءولتىرىپ العان دەگەن ۇكىم شىعادى. ونى ولتىرگەن تەمىر، ادام ەمەس. (تەمىرگە باسى سوعىلعان) وسى شەشىم شىققانعا دەيىن بىرنەشە ساتىداعى زەرتتەۋلەر جۇرگىزىلدى. ول جول سەرىك جولاۋشىنى بۇرىننان تانيدى ما؟ كەزدەسكەن بە؟ توبەلەسۋگە نە سەبەپ بولدى دەگەن. اقىرىندا، ابايسىزدا ءولتىرىپ العان دەگەن تۇجىرىمعا كەلدى. بۇدان بولەك، كەزىندە تاعى ءبىر وسىعان ۇقساس ءىس بولدى. كىسى ءولىمى ورىن الادى. سوت پروتسەسى وتەدى. بارلىق زاڭدىلىقتارى ساقتالادى. الايدا، القابيلەر سوتى ادام كۇتپەگەن شەشىم شىعارادى. سوندىقتان، قازىر ناقتى بىردەڭە ايتۋ قيىن.
باۋىرجان كىشكەنەباەۆ، ادۆوكات. قۇقىق قورعاۋ سالاسىنىڭ ارداگەرى