جارىستار قازاقستان ۇلتتىق وليمپيادالىق كوميتەتىنىڭ قولداۋىمەن ءوتتى. سونىمەن قاتار ەلىمىزدىڭ ءار وڭىرىنەن ۇزدىك كوماندالار جينالدى.
اقتىق سىن - ەلىمىزدەگى مىڭداعان مەكتەپ پەن ميلليونداعان وقۋشىنى قامتىعان اۋقىمدى رەسپۋبليكالىق جوبانىڭ شارىقتاۋ شەگىنە اينالدى.
باسكەتبول جارىسىندا تۇركىستان وبلىسىنان كەلگەن دالابازار مەكتەبىنىڭ وقۋشىلارى جەڭىسكە جەتتى. كۇمىس جۇلدەنى جامبىل وبلىسىنداعى №24 مەكتەپ-گيمنازياسى يەلەندى. استانا قالاسىنداعى №62 مەكتەپ-ليتسەيىنىڭ جاس باسكەتبولشىلارى ۇزدىك ۇشتىكتى تۇيىندەدى.
ماراپاتتاۋ راسىمىنە قازاقستان ۇوك-ءنىڭ باس حاتشىسى ءالىمجان اقاەۆ قاتىستى.
"حالىقارالىق وليمپيادا كۇنى قارساڭىندا ۇلتتىق مەكتەپ ليگاسىن وتكىزۋ - ەرەكشە مانگە يە. بۇل جاي عانا سپورتتىق جارىس ەمەس، بۇل – ءوسىپ كەلە جاتقان ۇرپاقتىڭ بويىندا وليمپيادالىق قوزعالىستىڭ نەگىزى بولىپ سانالاتىن قۇندىلىقتاردى: ۇزدىكسىز دامۋ، ءوزارا قۇرمەت پەن ادىلدىكتى – قالىپتاستىرۋ جولىنداعى ماڭىزدى قادام.
ءبىز مۇنداي باستامالار ارقىلى دەنى ساۋ ءارى بەلسەندى قوعامنىڭ بەرىك ىرگەتاسىن قالاۋ مۇمكىن ەكەنىنە سەنىمدىمىز", - دەدى ءالىمجان اقاەۆ.
ايتا كەتەيىك، 2025 جىلى ۇلتتىق مەكتەپ ليگاسى 23 ماۋسىمدا اتاپ وتىلەتىن حالىقارالىق وليمپيادا كۇنىنە ارنالعان ءىس-شارالار اياسىندا ءوتىپ جاتىر. بۇل جوبانىڭ وليمپيادالىق قۇندىلىقتاردى قالىپتاستىرۋداعى ماڭىزىن ايقىنداي تۇسەدى.
ۇلتتىق مەكتەپ ليگاسىنىڭ باعدارلاماسىنا ءارتۇرلى سپورت تۇرلەرى ەنگەن: ۇستەل تەننيسى، باسكەتبول، ۆولەيبول، توعىزقۇمالاق، فۋتزال، جەڭىل اتلەتيكا، گاندبول، اسىق اتۋ، شاحمات جانە فۋتبول.