القا وتىرىسىنا پرەزيدەنتتىڭ قۇقىقتىق ماسەلەلەر جونىندەگى كومەكشىسى ە.ن. جيەنباەۆ، پرەزيدەنت اكىمشىلىگىنىڭ، باس پروكۋراتۋرانىڭ وكىلدەرى، قوعامدىق كەڭەس مۇشەلەرى، سونداي-اق اگەنتتىكتىڭ باسشىلىق قۇرامى مەن اۋماقتىق بولىمشەلەرىنىڭ قىزمەتكەرلەرى قاتىستى.
سىبايلاس جەمقورلىققا قارسى قىزمەتتىڭ توراعاسى اسحات جۇماعالي ءوز بايانداماسىندا مەملەكەت باسشىسىنىڭ تاپسىرمالارى مەن مىندەتتەرىنىڭ، سونىڭ ىشىندە «زاڭ جانە ءتارتىپ» يدەولوگياسىن جۇزەگە اسىرۋ بويىنشا اتقارىلعان جۇمىستار تۋرالى حابارلادى.
سىبايلاس جەمقورلىققا قارسى ساياسات تۇجىرىمداماسىن ورىنداۋ، سىبايلاس جەمقورلىقتىڭ الدىن الۋ، زاڭ ۇستەمدىگى مەن جازانىڭ بۇلتارتپاستىعىن قامتاماسىز ەتۋ، زاڭنامالىق شارالار مەن حالىقارالىق ىنتىماقتاستىق تۋرالى تولىق اقپارات بەرىلدى.
اگەنتتىك الدىن الۋ جۇمىستارى اياسىندا وتكەن جىلى سىبايلاس جەمقورلىق تاۋەكەلدەرىنە 238 سىرتقى تالداۋ مەن سىبايلاس جەمقورلىق مونيتورينگىن جۇرگىزدى.
2,5 مىڭعا جۋىق ۇسىنىم ەنگىزىلىپ، ونىڭ 60%-ى ورىندالدى.
اۆتوجولدار، ءبىلىم بەرۋ، مەديتسينا، سپورت جانە الەۋمەتتىك سالالارىندا سىبايلاس جەمقورلىق تاۋەكەلدەرىنە سىرتقى تالداۋلار اياقتالدى.
اگەنتتىك جۇمىسىنىڭ نەگىزگى باسىمدىعى – سىبايلاس جەمقورلىققا قارسى مادەنيەتتى قالىپتاستىرۋ جانە ادالدىق قۇندىلىقتارىن ناسيحاتتاۋ.
قوعامدا سىبايلاس جەمقورلىققا «نولدىك توزىمدىلىك» قاعيداسىن ىلگەرىلەتۋ اياسىندا 900 مىڭنان استام ءارتۇرلى ماقساتتى توپ وكىلدەرىن قامتىعان 7,5 مىڭعا جۋىق ءىس-شارا وتكىزىلدى.
كاسىپكەرلىكتى قورعاۋ اياسىندا سىبايلاس جەمقورلىققا قارسى قىزمەت «بيزنەسكە جول» جوباسىن جۇزەگە اسىرۋدى جالعاستىرۋدا.
وتكەن جىلى 200 پروبلەمالىق ماسەلەلەر شەشىلىپ، 24 مىڭنان استام كاسىپكەردىڭ قۇقىقتارى قورعالدى.
مەملەكەتتىك ساتىپ الۋلار مەن قارجىنىڭ ماقساتتى جۇمسالۋىنا مونيتورينگ جالعاسۋدا. اگەنتتىك 87,7 ملرد تەڭگە كولەمىندە ءتيىمسىز شىعىنداردىڭ الدىن الدى.
ماڭىزدى ينفراقۇرىلىمدىق جانە الەۋمەتتىك جوبالاردى سۇيەمەلدەۋ بويىنشا جۇمىس جالعاسۋدا.
سىبايلاس جەمقورلىققا قارسى قىزمەتتىڭ باقىلاۋىندا 182 نىسان بار، ونىڭ 81-ءى اياقتالعان.
«تسيفرلىق تەڭگە» پلاتفورماسىندا «اقشانى بوياۋ» پيلوتتىق جوباسى جۇزەگە اسىرىلۋدا.
بۇل جوبا اۋىل شارۋاشىلىعى، كولىك جانە تەمىرجول قۇرىلىسى سياقتى الەۋمەتتىك ماڭىزدى سالالاردا ەنگىزىلۋدە.
بۇزىلعان قۇقىقتار مەن الەۋمەتتىك ادىلەتتىلىكتى قالپىنا كەلتىرۋدىڭ ماڭىزدى بولىگى رەتىندە زالالدى وتەۋ جانە اكتيۆتەردى قايتارۋ جۇمىستارى ەرەكشە اتالدى.
2022 جىلدان بەرى 1 ترلن 120 ملرد تەڭگەگە جۋىق مۇلىك اكتيۆتەرى مەن قاراجات مەملەكەتكە قايتارىلدى، ونىڭ ىشىندە وتكەن جىلى 486,5 ملرد تەڭگە قايتارىلعان.
2024 جىلى اياقتالعان ىستەر بويىنشا 371,2 ملرد تەڭگە وتەلىپ، 28,9 ملرد تەڭگەنىڭ مۇلكىنە تىيىم سالىندى. قاراجات الەۋمەتتىك نىسانداردى قارجىلاندىرۋعا باعىتتالدى. وسى قاراجات ەسەبىنەن 56 مەكتەپ سالىندى.
القا وتىرىسىندا پىكىر الماسۋ ءوتىپ، سىبايلاس جەمقورلىققا قارسى شارالاردى جەتىلدىرۋ بويىنشا بىرقاتار ۇسىنىستار ايتىلدى.
قورىتىندىلاي كەلە، اسحات جۇماعالي سىبايلاس جەمقورلىققا قارسى قىزمەتتىڭ الداعى جىلعا ارنالعان جوسپارلارى مەن نەگىزگى مىندەتتەرىن بەلگىلەدى.
ول قوعامدا «زاڭ جانە ءتارتىپ» قاعيداتتارىن، سىبايلاس جەمقورلىققا قارسى ساياساتتى ساپالى ىسكە اسىرۋ بويىنشا جۇمىستى جالعاستىرۋدىڭ ماڭىزدىلىعىن اتاپ ءوتتى. سىبايلاس جەمقورلىققا قارسى كۇرەس، ونىڭ الدىن الۋ جانە سەبەپتەرىن جويۋ، جازانىڭ بۇلتارتپاستىعىن قامتاماسىز ەتۋ جانە زالالدى وتەۋ، سونداي-اق بيزنەستى سىبايلاس جەمقورلىقتان قورعاۋ نەگىزگى باعىتتار بولىپ قالا بەرەدى.
ۆەدومستۆو باسشىسى ازاماتتاردىڭ ءال-اۋقاتىن ارتتىرۋعا جانە ەلدىڭ الەۋمەتتىك-ەكونوميكالىق دامۋىنا باعىتتالعان پرەزيدەنت تاپسىرمالارىنىڭ بۇلجىتپاي ورىندالاتىنىن مالىمدەدى.
اگەنتتىكتىڭ قۇرىلىمدىق جانە اۋماقتىق بولىمشەلەرىنىڭ باسشىلارىنا ناقتى تاپسىرمالار بەرىلدى.