Bügın Qyzylorda qalasyndaǧy «Evraziia» sport keşenınde Memleket basşysynyŋ «Zaŋ men tärtıp» qaǧidaty aiasynda «Adaldyq özıŋnen bastalady» taqyrybynda şaǧyn futboldan oblystyq turnir öttı.

Sporttyq şaranyŋ negızgı maqsaty – qoǧamda zaŋdylyq pen qūqyqtyq tärtıptı nyǧaitu, azamattardyŋ qūqyqtyq mädenietın arttyru, adaldyq pen jauapkerşılık qūndylyqtaryn keŋınen nasihattau jäne būqaralyq sportty damytu.

Turnirdıŋ aşylu räsımıne oblystyq qoǧamdyq damu basqarmasy basşysynyŋ orynbasary Däuren Tleumbetov qatysyp, jarysqa qatysuşylarǧa sättılık tıledı.

Öz sözınde basqarma basşysynyŋ orynbasary «Zaŋ men tärtıp» qaǧidatynyŋ qoǧamdyq tūraqtylyq pen qauıpsızdıktı qamtamasyz etudegı maŋyzyna toqtalyp, zaŋ talaptaryn saqtau är azamattyŋ kündelıktı ömırındegı basty ūstanymdardyŋ bırı boluy qajettıgın atap öttı.

– «Zaŋ men tärtıp – qoǧamdyq tūraqtylyq pen qauıpsızdıktıŋ berık negızı. Būl qaǧidatty ornyqtyru memlekettık organdardyŋ ǧana emes, qoǧamnyŋ ärbır müşesınıŋ ortaq mındetı. Zaŋ talaptaryn saqtau, belgılengen tärtıptı oryndau, özgenıŋ qūqyqtary men zaŋdy müddelerın qūrmetteu – azamattyq jauapkerşılıktıŋ negızgı körsetkışterı. Qoǧamdyq tärtıp adamnyŋ özınen bastalady. Är azamat öz mındetın adal oryndap, zaŋ talaptaryn saqtap, qoǧamdyq ortadaǧy jauapkerşılıgın sezıngen jaǧdaida ǧana ortaq tärtıp qalyptasady. Bügıngı sporttyq doda da osy qūndylyqtardy därıpteuge mümkındık beredı. Jarys barysynda är komanda sporttyq ädep pen özara qūrmet qaǧidattaryn saqtai otyryp, joǧary deŋgeide öner körsetedı dep senemın», – dedı Däuren Oŋǧarbaiūly.

Sondai-aq, aşylu räsımıne auyr atletikadan Qazaqstan Respublikasynyŋ eŋbek sıŋırgen sport şeberı, Älem chempionatynyŋ ekı dürkın kümıs jüldegerı Almas Öteşov te qatysyp, turnirdıŋ aşyluymen qūttyqtady. Tanymal sportşy jarysqa qatysuşylarǧa sättılık tılep, sporttyŋ adamdy tärtıpke, tabandylyqqa jäne jauapkerşılıkke tärbieleitının atap öttı.

Oblystyq turnirge būqaralyq aqparat qūraldarynyŋ ökılderı, ükımettık emes ūiymdar, memlekettık mekemelerdıŋ qyzmetkerlerı jäne «Jastar Ruhy» Jastar qanaty Qyzylorda oblystyq filialynyŋ ökılderınen qūralǧan 8 komanda qatysty.

Jarystyŋ qorytyndy marapattau räsımınde jeŋımpazdar men jüldegerlerge diplomdar men arnaiy marapattar tabystaldy. Marapattardy oblystyq qoǧamdyq damu basqarmasy basşysynyŋ orynbasary Däuren Tleumbetov jäne Qazaqstan Respublikasy Memlekettık qyzmet ısterı agenttıgınıŋ Qyzylorda oblysy boiynşa departamentı basşysynyŋ orynbasary Nūrjan Süleimenov tabystady.

Turnirdıŋ qorytyndysy boiynşa jüldelı oryndar saralanyp, «Barys» komandasy I oryndy ielendı. II oryn «Nūr» komandasyna būiyrsa, «Jastar Ruhy» Jastar qanaty Qyzylorda oblystyq filialynyŋ komandasy III orynnan körındı.