Prezident osy joly da pedagog äleuetı, ūstaz märtebesınıŋ ärqaşan nazarda bolatynyn jetkızdı. Joldaudaǧy "Ūstazdar – ūlttyŋ ziiatkerlık quaty. Olar bılımdı ūrpaq tärbieleu arqyly elımızdıŋ örkendeuıne jol aşady. Üzdık oqu baǧdarlamasy, zamanaui mektepter, ozyq basqaru jüiesı bolsa da, ūstaz bılıktı bolmasa, onyŋ bärı beker ekenı anyq. Sondyqtan pedagogikalyq joǧary oqu oryndaryna talapty, qabılettı jastardy qabyldauǧa basa män beru kerek", - degen joldary özıme erekşe quat beredı. Nege deseŋız? Kez kelgen eldıŋ bolaşaǧynyŋ jarqyn boluy ūstazdar qauymynyŋ adami qūndylyqtardy joǧary qoiyp, özı ısıne adaldyq tanytuymen bailanysty. Osy jaǧynan bızdıŋ elımızdıŋ älı jarqyn belesterı men kemel keleşegı alda. Şükır, zamanui mektepter, ozyq basqaru jüiesı, tıptı, qabılettı jastar aramyzda jetıp-artylady. Qazır trendke ainalǧan «Jaily mektep» baǧdarlamasynyŋ da el igılıgın köre bastady.
Qazır bılım salasyndaǧy kün tärtıbınde tūrǧan mäselelerdıŋ bırı – sapaly bılım beru ekenı belgılı. Būl ärine memlekettıŋ qoldauynsyz ıske asuy mümkın emes şarua. Mysaly, özım qyzmet etetın – «Tomiris» medisinalyq kolledjınıŋ de bılım men tärbiege qatysty öz ūstanymy, naqty strategiiasy bar. Sonyŋ arqasynda, bızdıŋ ūjymnyŋ abyroiy biık, ūstanymy myqty bolyp otyr. Ūstaz ben student arasynda tyǧyz bailanys bar. Ata-anamen myqty qatynas ornaǧan. Osy tūsta aita ketetın jäit, qazırgı bılım jüiesınde aldaǧy uaqytta qandai mamandyqtarǧa sūranys artuy mümkın degen sūraqty kün tärtıbıne şyǧaru kerek. Retı kelse, aldyn ala monitoring jasaǧan abzal. Eger osyndai zertteuler bolsa, qoǧamǧa artyq maman daiyndau täuekelderın joia alamyz. Maman daiyndaudyŋ naqty älemdık örkeniettı modelderı bar. Solardy bızdıŋ bılım salasyna da engızu kerek dep oilaimyn. Mysaly, 2000 jyldardyŋ basynda ekonomikalyq jäne zaŋgerlık baǧyttar erekşe sūranysta boldy. Kolledj ben joǧary oqu oryndaryna tüsu üşın joǧarydaǧy mamandyqtar üşın bır orynǧa 50-100 talapkerden kelıp otyrdy. Būl qazırgı kei mamandardyŋ jūmyssyz qalyp, qoǧamda öz ornyn taba almauyna jol aşyp otyr. Ökınışke orai osylai. Al, soŋǧy uaqyttary medisinalyq mamandar daiarlaityn oqu oryndaryna sūranys artyp otyrǧany jasyryn emes. Osy tūrǧyda, bızderge de zor jauapkerşılık pen mol mındet jükteledı. Bızdıŋ däl osy sättegı mındetımız – sapaly bılım berıp, mazmūndy tärbie jūmystaryn jürgızu bolyp otyr. Kolledjımızde osy baǧyttaǧy jūmystar jüielı atqarylyp keledı.
Tüiındei aitsaq, Memleket basşysynyŋ osy jolǧy joldauy pedagog qauymnyŋ kökeiınde jürgen negızgı sūraqtarǧa jauap bergenı anyq. Endıgı maqsat, qolda bar mümkındıktı paidalana otyryp, biık şyŋdardy baǧyndyru. Ūstazdar üşın – biık şyŋ – būl sapaly bılım men sanaly tärbie ekenı dausyz.
Gulmira Baimahanqyzy, "Tomiris" medisinalyq kolledjınıŋ oqytuşysy
