Terminal Memleket basşysynyŋ tapsyrmasymen ötken jyldyŋ qaraşasynda Qazaqstan Premer-ministrı Oljas Bektenovtıŋ qatysuymen aşylǧan bolatyn. Nysannyŋ qūrylysyna 16,6 mlrd teŋge jeke investisiia salyndy. Jergılıktı biudjetten injenerlık-kommunikasiialyq infraqūrylymǧa 4,3 mlrd teŋgeden astam qarjy bölındı.
Ärı qarai Roman Skliar delegasiia müşelerımen Qyzylorda qalasynda jüzege asyrylyp jatqan «Jolauşylar vagondaryn jöŋdeu, tehnikalyq qyzmet körsetu keşenı jäne vagon qūrastyru zauyty» jobasy tanystyryldy. Jobaǧa 15,4 mlrd teŋge investisiia tartylyp, ony ıske asyru ekı kezeŋ boiynşa jüzege asady.
Keşennıŋ josparlanǧan quaty jolauşylar vagondaryn jöndeu men qyzmet körsetudı jaqsartuǧa, sondai-aq jaŋa ülgıler şyǧaruǧa mümkındık beredı. Būl Qazaqstanda, onyŋ ışınde öŋırde temırjol kölıgınıŋ damuyna oŋ äser etedı.
Ükımet delegasiiasy odan ärı qarai kırpış zauytynyŋ qūrylysyn jäne şyny zauytynyŋ jūmysymen tanysty. Kırpış zauytyna Qyzylorda qalasyndaǧy «Öndırıs» industriialyq aimaǧynan 7 gektar jer telımı berıldı, jylyna 90 mln dana kırpış şyǧarylady degen jospar bar.
Şyny zauytynda jylyna 197,1 myŋ tonna şyny öndırılıp, Resei Özbekstan, Qyrǧyzstan jäne Täjıkstanǧa eksporttalady. Bügınde zauytta 366 maman jūmys ısteidı. Ötken jyly şyny zauyty ışınen energiia ünemdeitın şyny öndırısınıŋ jaŋa jelısı ıske qosyldy. Qytailyq investor aldaǧy uaqytta 2 kezeŋge josparlanǧan jaŋa investisiialyq jobany ıske asyrmaq.
Roman Skliar sonymen qatar Qyzylordadaǧy jaŋa JEO qūrylysynyŋ barysymen tanysty. Jobanyŋ qūny – 215 mlrd teŋge, quaty – 240 MVt. Bügıngı taŋda investor – «Aqsa Energi» türık kompaniiasy nysannyŋ qūrylysyna 135 mlrd teŋgeden astam qarjy saldy. Jaŋa JEO ıske qosylǧan kezde öŋırdı elektr energiiasymen tolyq qamtamasyz etedı.
Sonymen qatar ükımettık delegasiia aimaqtaǧy jol infraqūrylymyn damytu mäselesı nazarda boldy. Roman Skliar «Täuelsızdıkke – 25 jyl» daŋǧylyn qaita jaŋǧyrtu barysyn kördı. Ötken jyldan berı Beibarys sūltan köşesınen Äbılqaiyr han köşesıne deiıngı Syrdariia özenınıŋ qorǧanys bögetı nyǧaitylyp, atalǧan daŋǧyldyŋ 6,7 şaqyrymy qaita jaŋǧyrtyldy.
«Jaily mektep» ūlttyq jobasy aiasynda Qyzylorda oblysynda 6,9 myŋ oryndyq 10 mektep salu josparlanǧan. Bügıngı taŋda onyŋ ışınde 5 mektep paidalanuǧa berıldı. Biyl qalǧan 5 oqu ornynyŋ qūrylysyn aiaqtau josparlanuda.
Sonymen qatar oblystyq biudjetten halyqaralyq standarttarǧa säikes keletın 11 myŋ oryndyq stadion saluǧa 20,9 mlrd teŋge bölındı. Bügıngı taŋda Şyǧys jäne Batys tribunalarynyŋ metall konstruksiialaryn montajdau tolyǧymen aiaqtaldy, qabyrǧalar, ışkı bölımder jäne syrtqy vitrajdar töselude.
Roman Skliar jaŋa avtovokzaldyŋ jūmysymen de tanysty. Ol ötken jyly paidalanuǧa berıldı. Ǧimarat jolauşylarǧa qajettı jabdyqtarmen jabdyqtalǧan jäne 200 adamǧa arnalǧan. Jobanyŋ qūny – 975 mln teŋge.
Aita ketu kerek, öŋırde şaǧyn önerkäsıptık aimaqtardy qūru boiynşa da belsendı jūmystar jürgızılude. Būl öz kezegınde halyqty jūmyspen qamtu, şaǧyn jäne orta biznes subektılerı üşın infraqūrylym mäselelerın şeşuge yqpal etedı.
Soŋǧy üş jylda öŋırde qūrylys jūmystarynyŋ kölemı ūlǧaidy. Ötken jyldyŋ qorytyndysy boiynşa ösım 153,8%-dy qūrady. Iske qosylǧan tūrǧyn üi kölemı östı, ol rekordtyq körsetkışke – 866,8 myŋ m2 jettı. Eger 2022–2023 jyldary 4 myŋǧa juyq päter paidalanuǧa berılse, ötken jyly kıltterdı 2,5 myŋnan astam otbasy tapsyrdy. Sonymen qatar, halyqtyŋ äleumettık osal toptary üşın tūrǧyn üi satyp alu boiynşa Qyzylorda oblysy respublikada 1948 päter körsetkışımen 2-şı oryndy ielendı.
QR Premer-ministrınıŋ bırınşı orynbasary Roman Skliar oblysta atqarylǧan jūmystardy atap ötıp, Qyzylorda öŋırı respublikanyŋ oŋtüstıgınde ekonomikalyq ösımnıŋ draiverı boluǧa tiıs ekenın atap öttı.
Ükımettıŋ baspasöz qyzmetı
