Qala aumaǧyn abattandyru men sanitarlyq tazalyqty qamtamasyz etu maqsatynda ötkızılgen tazalyq şarasyna Türkıstan qalasy äkımdıgıne qarasty derbes bölımder men 6 sektordyŋ qyzmetkerlerı, sondai-aq oblystyq basqarmalar men departamentterdıŋ ökılderı belsene atsalysty.

Jalpy sany 800-ge juyq tūrǧyn senbılıkke qatysyp, qala tazalyǧyna öz ülesterın qosty. Sonymen qatar tazalyq jūmystaryna 15 arnaiy tehnika jūmyldyryldy. Senbılık barysynda ekologiialyq tūrǧydan maŋyzdy sanalatyn 18 uchaske qamtylyp, onyŋ ışınde Vodokanal maŋy, B.Mailin köşesı, Qalalyq balalar auruhanasynyŋ aumaǧy, 160-kvartal jäne Bekzat sektory siiaqty aumaqtarda sanitarlyq tazartu jäne kögaldandyru jūmystary jürgızıldı.

Aldyn ala belgılengen aimaqtarda şöp şabu, jaiau jürgınşıler joldaryn sypyru, tūrmystyq jäne tabiǧi qoqys qaldyqtaryn jinau siiaqty jūmystar atqarylyp, nätijesınde 15 tonnaǧa juyq qoqys şyǧarylyp, arnaiy poligondarǧa jetkızıldı.

Sonymen qatar A.Jangeldin, B.Mailin, S.Jandosov köşelerınde de sanitarlyq tazalau ıs-şaralary ūiymdastyrylyp, abattandyru jūmystary jürgızıldı.

Türkıstan qalasy äkımdıgı men tiıstı mekemeler tarapynan qorşaǧan ortany qorǧau, öŋırdıŋ ekologiialyq ahualyn jaqsartu jäne qala aumaǧynda sanitarlyq talaptardy saqtau baǧytyndaǧy jūmystar aldaǧy uaqytta da jüielı türde jalǧasyn tabatyn bolady.