Qyzylorda qalasynda ötıp jatqan «KZO CAMP: ONE COMMUNITY» respublikalyq volonterler sletıne qatysuşylar «Taza Qazaqstan» jalpyūlttyq ekologiialyq bastamasy aiasynda Prezident saiabaǧynda tal egu tal egu şarasyna qatysty.
«GREEN ARAL: VOLUNTEERS FOR LIFE 2026» halyqaralyq volonterler aptalyǧynyŋ aşylu saltanatynan keiın ūiymdastyrylǧan ekologiialyq şara Memleket basşysy Qasym-Jomart Toqaevtyŋ bastamasymen jüzege asyrylyp jatqan «Taza Qazaqstan» jalpyūlttyq ekologiialyq baǧdarlamasy aiasynda öttı.
Bastamanyŋ negızgı maqsaty – tabiǧatqa janaşyrlyqpen qarau mädenietın qalyptastyryp, ärbır azamattyŋ qorşaǧan orta aldyndaǧy jauapkerşılıgın arttyru.
İgı bastamaǧa oblystyq qoǧamdyq damu basqarmasynyŋ basşysy Ruslan Kaiupov, Qazaqstan Respublikasy Mädeniet jäne aqparat ministrlıgı Azamattyq qoǧam ısterı komitetı töraǧasynyŋ orynbasary Toǧjan Zeidenova, Qazaqstan Halyq Keŋesınıŋ müşelerı Vera Kim men Janar Bimūratqyzy, sondai-aq Özbekstan, Qyrǧyzstan jäne Qazaqstannyŋ 10 öŋırınen kelgen 100 volonter qatysty.
Aksiia aiasynda qatysuşylar Prezident saiabaǧyna tal köşetterın otyrǧyzyp, qalany kögaldandyruǧa jäne onyŋ jasyl jelegın molaituǧa üles qosty. Is-şara tabiǧatty aialau mädenietın qalyptastyruǧa, volonterlerdı ortaq igı ıske jūmyldyruǧa jäne qorşaǧan ortaǧa degen jauapkerşılıktı arttyruǧa baǧyttaldy.
Aita ketu qajet, «KZO CAMP: ONE COMMUNITY» respublikalyq volonterler sletı elımızdıŋ är öŋırınen jäne körşıles memleketterden kelgen erıktılerdıŋ basyn qosyp, täjıribe almasuyna, ortaq jobalardy talqylauyna jäne jaŋa bastamalardy jüzege asyruyna mümkındık beredı.
Al, «Taza Qazaqstan» bastamasy aiasynda ūiymdastyrylǧan mūndai ekologiialyq şaralar azamattardy qorşaǧan ortany qorǧauǧa jūmyldyryp, eldı mekenderdıŋ körkeiuıne jäne ekologiialyq jauapkerşılıgı joǧary qoǧam qalyptastyruǧa yqpal etedı.
Ekologiialyq aksiiadan keiın sletke qatysuşylar Qyzylorda qalasynyŋ körıktı oryndaryn aralady.
Atap aitqanda, volonterler Botanikalyq baqta bolyp, oblystyq tarihi-ölketanu muzeiınıŋ ekspozisiialarymen tanysty jäne «Qaisar Arena» stadionyn tamaşalady.
Tanymdyq ekskursiia qatysuşylarǧa Syr öŋırınıŋ tabiǧi jäne mädeni mūrasymen tanysyp, qalanyŋ säulettık kelbetı men zamanaui infraqūrylymyn köruge mümkındık berdı.
