30 qazan men 1 qaraşa aralyǧynda Ündıstannyŋ Bangalor qalasynda barlyq jas sanattary boiynşa Şotokan karate-dodan älem chempionaty öttı. Halyqaralyq dodada M.H.Dulati atyndaǧy Taraz universitetınıŋ studentterı Güljanat Qoblandy men Mädina Mūrat joǧary nätije körsetıp, altyn medal ielendı.
Älemnıŋ üzdık sportşylary baq synaǧan chempionatta qazaqstandyq studentter öz sanattary boiynşa bırınşı oryn alyp, älem chempiony atandy. Osylaişa, olar el qorjynyna ekı altyn medal salyp, Qazaqstannyŋ halyqaralyq sport arenasyndaǧy jetıstıkterın tolyqtyrdy.
Jeŋımpazdar – M.H.Dulati atyndaǧy Taraz universitetınıŋ «Bılım salasyndaǧy dene mädeniettık-sporttyq qyzmet» (6V01421) bılım beru baǧdarlamasynyŋ 2-kurs studentterı. Olardyŋ halyqaralyq jarystaǧy jetıstıgı jüielı daiyndyqtyŋ, tabandy eŋbektıŋ jäne käsıbi sporttyq şeberlıktıŋ nätijesı.
«Älem chempionatyna qatysu bız üşın ülken jauapkerşılık boldy. Jarysqa daiyndyq barysynda tehnikalyq jäne fizikalyq daiarlyǧymyzdy jetıldıruge erekşe nazar audardyq. Būl nätije – jüielı jattyǧu men jattyqtyruşylarymyzdyŋ qoldauynyŋ jemısı. Aldaǧy uaqytta da halyqaralyq jarystarǧa qatysyp, elımızdıŋ sporttyq jetıstıkterıne üles qosudy maqsat etemız», – dedı älem chempiony Mädina Mūrat.
Studentterdıŋ älemdık deŋgeidegı jetıstıgı joǧary oqu oryndarynda bılım beru men sporttyq daiarlyqty ūştastyrudyŋ maŋyzyn körsetedı. Sonymen qatar būl jeŋıs jas sportşylardyŋ äleuetın damytuǧa, studentter arasynda būqaralyq sportty keŋınen nasihattauǧa jäne jastardy salauatty ömır saltyna yntalandyruǧa üles qosady.
Baspasöz qyzmetı
