Demalys künderı Qyzylorda oblysynyŋ polisiia qyzmetkerlerı qoǧamdyq qauıpsızdıktı qamtamasyz etu, qūqyq būzuşylyqtardyŋ aldyn alu jäne jol qozǧalysy qauıpsızdıgın saqtau maqsatynda küşeitılgen rejimde qyzmet atqardy.
Osyǧan bailanysty oblys aumaǧyndaǧy köşelerde, qoǧamdyq oryndarda, kafe men meiramhana aumaqtarynda polisiianyŋ keşendı küşterı men patruldık jasaqtarynyŋ sany arttyrylyp, azamattar köp şoǧyrlanatyn oryndarda qoǧamdyq tärtıptı baqylau küşeitıldı.
Jürgızılgen profilaktikalyq ıs-şaralar barysynda Qazaqstan Respublikasynyŋ Äkımşılık qūqyq būzuşylyq turaly kodeksınıŋ 132-babynyŋ 2-bölıgı jäne 442-baby boiynşa zaŋ būzuşylyqtarǧa jol bergen 107 kämeletke tolmaǧan anyqtaldy. Olardyŋ zaŋdy ökılderıne äkımşılık hattamalar räsımdeldı.
Sonymen qatar, ÄQBtK-nıŋ 127-baby boiynşa balalardy tärbieleu jäne olardyŋ qūqyqtary men qauıpsızdıgın qamtamasyz etu jönındegı mındetterın tiısınşe oryndamaǧan 10 ata-anaǧa (zaŋdy ökılge) qatysty äkımşılık hattama toltyryldy.
Jol qozǧalysy qauıpsızdıgın qamtamasyz etu baǧytynda jürgızılgen reidtık jūmystar kezınde bırqatar öreskel qūqyq būzuşylyqtardyŋ joly kesıldı. Atap aitqanda, mas küiınde kölık qūralyn basqaruǧa bailanysty – 1, qarsy baǧytqa şyǧu faktısı boiynşa – 1, ÄQBtK-nıŋ 612-babynyŋ 2-bölıgı boiynşa – 17, 612-babynyŋ 3-bölıgı boiynşa 1 äkımşılık qūqyq būzuşylyq anyqtaldy.
Qyzylorda oblysynyŋ Polisiia departamentı azamattardy zaŋ talaptaryn qataŋ saqtauǧa, kämeletke tolmaǧandardyŋ qauıpsızdıgıne jauapkerşılıkpen qarauǧa jäne jol qozǧalysy erejelerın būljytpai oryndauǧa şaqyrady.
