QMA Şymkent qalasy boiynşa departamentı bılım beru salasyna bölıngen biudjet qarajatyn jymqyru faktısı boiynşa tergep-tekserudı aiaqtady.

Tergeu amaldaryna sai, 2018–2023 jyldar aralyǧynda «Oŋtüstık Qazaqstan joǧary medisinalyq kolledjı» JŞS men «Oŋtüstık Qazaqstan gumanitarlyq-qarjy kolledjı» JŞS qūryltaişysy jalǧan oqytu shemasyn ūiymdastyrǧan.

Qylmystyq shemaǧa kolledj basşylary, buhgalterler jäne özge de bailanysy bar tūlǧalar qatysqan.

Azamattar oqu oryndaryna formaldy türde qabyldanǧanymen, ıs jüzınde bılım almaǧan. Būl memlekettık bılım beru tapsyrysy jäne kadrlardy qaita daiarlau baǧdarlamalary aiasynda biudjetten qarjy aluǧa mümkındık bergen.

Shema jalǧan oquǧa qabyldau jäne jūmysqa ornalastyru turaly būiryqtardy räsımdeu, qūjattardy rastau üşın elektrondyq sifrlyq qoltaŋbalardy paidalanu, sondai-aq oryndalǧan jūmystar turaly jalǧan aktıler jasau arqyly jüzege asyrylǧan.

Sonymen qatar, medisinalyq kolledjdıŋ aqyly bölımınde oqyǧan studentterdıŋ bır bölıgı memleket esebınen bılım aluşylar retınde räsımdelgenı anyqtaldy.

Būdan bölek, «Oŋtüstık Qazaqstan gumanitarlyq-qarjy kolledjı» ıs jüzınde jūmys ıstemegen jäne tek biudjet qarajatyn alu üşın formaldy qūrylym retınde paidalanylǧan.

Memleketke keltırılgen jalpy zalal 1,3 mlrd teŋgeden asty.

Bır qyzyǧy, shemany ūiymdastyruşy būǧan deiın jasaǧan jymqyru faktısı üşın soŋǧy üş jyl boiy bas bostandyǧynan aiyru oryndarynda bola tūra, zaŋsyz äreketterdı sol jerden basqarǧan.

Tergeu barysynda küdıktıler 65 mln teŋge kölemındegı zalaldy erıktı türde ötegen.

Sot sanksiiasymen 3 päterge, onyŋ ışınde Dubai qalasyndaǧy päterge, 3 tūrǧyn üige jäne 3 avtokölıkke tyiym salyndy.

Ekı küdıktıge qatysty qamauda ūstau türındegı būltartpau şarasy, taǧy üş tūlǧaǧa qatysty eşqaida ketpeu jäne tiıstı mınez-qūlyq turaly qolhat türındegı būltartpau şarasy qoldanyldy.

Qylmystyq ıs sotqa joldandy.

Qazaqstan Respublikasy QPK-nıŋ 201-babyna säikes özge aqparat jariialauǧa jatpaidy.

QR QMA Baspasöz qyzmetı