Bügın Qyzylorda oblysynyŋ äkımı Mūrat Ergeşbaev, qala äkımı Nūrjan Ahatov, oblystyq ardagerler keŋesınıŋ töraǧasy Serık Düisenbaev 1 qazan – Halyqaralyq qarttar künıne orai №1 Qyzylorda arnauly äleumettık qyzmetter körsetu ortalyǧyna baryp, qarttardy merekemen qūttyqtady.

«Qazaq halqy üşın ülkendı syilau, qarttyqty qadırleu – ǧasyrdan ǧasyrǧa jalǧasyp kele jatqan ozyq dästür.

Būl – öskeleŋ ūrpaq üşın ölşeusız ruhani qazyna. Sondyqtan qazynaly qariialarymyzdy qūrmetteu – ärbırımızdıŋ azamattyq paryzymyz. Aimaq ardagerlerın äleumettık qoldau – menıŋ nazarymdaǧy basty mäsele. Sızderge körsetıletın qamqorlyq ärı qarai da jalǧasa beredı.

Bız Sızderge qolaily jaǧdai jasap, qyzmet körsetuge qaşan da daiynbyz. Barşaŋyzǧa myqty densaulyq, amandyq tıleimın!», – dedı Mūrat Nälqojaūly.

Aimaq basşysy ortalyq ǧimaratynyŋ aldyndaǧy kiız üide ūiymdastyrylǧan körmemen tanysty. Körmege qyzmet aluşylardyŋ öz qolymen jasaǧan ūlttyq naqyştaǧy türlı būiymdary qoiylǧan.

Bügınde öŋırde 90 myŋǧa juyq qart tūrady. Onyŋ 2 myŋnan astamy arnauly äleumettık qyzmetpen qamtylǧan. №1 Qyzylorda arnauly äleumettık qyzmetter körsetu ortalyǧyna biyl 843,8 mln teŋge qarjy bölındı. 

Ortalyq zamanaui talaptarǧa sai jabdyqtalyp, qyzmet aluşylardyŋ densaulyǧyn jaqsartu, oŋaltu üşın qolaily jaǧdai jasaldy. Materialdyq-tehnikalyq bazany tolyqtyru älı de jalǧasady.

Sonymen qatar Talsuat eldı mekenındegı 150 orynǧa arnalǧan oŋaltu ortalyǧynda, Qyzylorda qalasyndaǧy 50 oryndyq jartylai stasionarda zeinetkerlerge arnauly äleumettık qyzmet körsetıledı.

@Qyzylorda oblysy äkımınıŋ baspasöz qyzmetı