Bügın oblys äkımı Nūrlybek Nälıbaevtyŋ qatysuymen Qyzylordadaǧy qaita salynǧan Prezident parkınıŋ saltanatty aşylu räsımı öttı. Räsımge qūqyq qorǧau organdarynyŋ bırınşı basşylary, mäslihat deputattary, ziialy qauym ökılderı, barlyq audannan kelgen delegattar arnaiy qatysty.
Aimaq basşysy qala tūrǧyndaryn saiabaqtyŋ aşyluymen qūttyqtap, öŋırde «Taza Qazaqstan» jalpyūlttyq jobasy aiasynda atqarylǧan jūmystardy atap öttı. «Prezidentımız Qasym-Jomart Kemelūly: «Tuǧan jerımızdı eşkım syrttan kelıp tazalap, körkeitıp bermeidı. Otanymyzdy taza ūstau – är azamattyŋ qasterlı paryzy», – degen bolatyn.
«Taza Qazaqstan» jalpyūlttyq jobasy tūrǧyndar arasynda tazalyq mädenietın keŋınen nasihattauǧa, tuǧan jerımızdı körkeituge tyŋ serpın berdı. Joba aiasynda sanitarlyq tazalyq, abattandyru, tūrǧyndardyŋ ömır süruıne qolaily jaǧdai jasauda keşendı jūmystar atqaryluda. Biudjet qarajatynan bölek, käsıpkerlerdıŋ demeuşılıgımen ortalyq alaŋdar, demalys oryndary, oiyn, sport alaŋdary qaita jaŋǧyrtylyp, tūrǧyn üiler men äleumettık nysandar zamanaui ülgıde jöndeuden ötkızılıp keledı.
Öŋırımızde bırkelkı dizain kod bekıtılıp, oblys ortalyǧynan bastap barlyq eldı mekender bıregei arhitekturalyq talaptarǧa säikestendırıldı. Qyzylorda qalasynda 2 mlrd. 905 mln.teŋgege 83 eskı köpqabatty tūrǧyn üidıŋ qasbetterı zamanaui paneldermen qaptaldy. Biyl da būl jūmys jalǧasyn tauyp, 900 mln. teŋgege qosymşa 21 tūrǧyn üi jaŋǧyrtyluda. Ötken jyly 1 mlrd. 300 mln. teŋgege 20 köpqabatty tūrǧyn üidıŋ aulalaryna balalar oiyn, sport alaŋdary salynyp abattandyryldy.
Oblys ortalyǧynda jaŋa nysandar boi köterıp, jasyl jelek pen saiabaqtar sany köbeiıp, ozyq säulet ülgısı qalyptasuda. Öskeleŋ ūrpaq üşın taza, jaily ärı qauıpsız orta qūru aldaǧy uaqytta da jalǧasady. «Taza Qazaqstan» jalpyūlttyq jobasy aiasyndaǧy aksiialarǧa, tabiǧat qorǧau şaralaryna jastar men qoǧam belsendılerı qatysyp, üles qosuda.
Saiabaqty sapaly etıp qaita salǧan «Alem Qūrylys» kompaniiasynyŋ ūjymyna Syr jūrtşylyǧynyŋ, Özımnıŋ atymnan şynaiy alǧysymdy bıldıremın! Egemen elımızdı körkeitu jolyndaǧy ısterımız tabysty bolsyn!» – dedı aimaq basşysy.
Aita ketu kerek, jaŋa saiabaq aumaǧyna zamanaui subūrqaqtar, amfiteatr, sport, oiyn, bi, şahmat, basketbol, futbol alaŋdary, biıktıgı 50 metrlık ainalmaly şolu döŋgelegı, velosiped jäne jügıru jolaqtary, sanitarlyq punktter ornatylǧan. Jalpy 31 gektarǧa 2 myŋnan astam aǧaş, 50 myŋnan astam sändık būta jäne 17 türlı köpjyldyq gül egıldı.
Saiabaq aumaǧyn tiımdı paidalanu maqsatynda bırqatar ırı joba qolǧa alynǧan. Atap aitqanda, 6 gektar jerge 300 oryndyq zamanaui balalar lagerı, 2,4 gektarǧa Botanikalyq bılım beru ortalyǧy, 8,2 gektarǧa toǧyz qabatty 15 tūrǧyn üi salynuda. Būdan bölek, 200 tösektık jaŋa perinataldyq ortalyq qūrylysy qarqyn aldy. Jaqyn künderı 5,5 gektar aumaqta jaŋa drama teatr men zamanaui Prezidenttık kıtaphana qūrylysy bastalady.
Räsımde Prezident parkındegı jūmystardy sapaly atqarǧan merdıger mekeme ökılderı men ekologiialyq aksiialarǧa belsendı atsalysqan erıktıler oblys äkımınıŋ Alǧys hatymen marapattaldy. Qoǧam qairatkerı Jarylqasyn Şärıpov ızgı lebızın bıldırdı.
@Qyzylorda oblysy äkımınıŋ baspasöz qyzmetı
