Qyzylordada oblys äkımı Nūrlybek Nälıbaev, Densaulyq saqtau ministrı Aqmaral Älnazarova, Syrtqy ıster ministrınıŋ orynbasary Älıbek Quantyrov, Parlament Mäjılısınıŋ deputattary Mūrat Äbenov, Marhabat Jaiymbetov, Mūrat Ergeşbaev, qūqyq qorǧau organdarynyŋ bırınşı basşylary, oblystyq mäslihat deputattary, ziialy qauym ökılderı jäne ardagerlerdıŋ qatysuymen Orhun medical medisinalyq ortalyǧynyŋ aşylu räsımı öttı.

Aimaq basşysy öz sözınde öŋırdıŋ densaulyq saqtau salasyndaǧy jetıstıkterge toqtaldy.

«Memleket basşymyz Qasym-Jomart Kemelūly «Ūlt saulyǧy jaqsy bolsa, qoǧam ornyqty damidy» dep, salaǧa ärdaiym airyqşa köŋıl bölıp keledı. Syr öŋırınde tūrǧyndardyŋ medisinalyq qyzmetke qoljetımdılıgın arttyru, infraqūrylymdy odan ärı jetıldıru şaralary keşendı türde jürgızılude.

Bügın Özderıŋızben bırge öŋırımız üşın maŋyzy zor nysan Orhun Medical medisinalyq ortalyǧynyŋ aşyluynda bas qostyq. Ortalyqtyŋ negızgı baǧyty – pozitrondy-emissiialyq jäne kompiuterlık tomografiiany bırıktıretın joǧary tehnologiialyq diagnostika.

Qūny 4 mlrd. teŋge bolatyn būl joba onkologiialyq aurulardy erte anyqtauǧa, derttıŋ taralu deŋgeiın baǧalauǧa, emdeu tiımdılıgın baqylauǧa mümkındık beredı. Tūrǧyndarymyz endıgıde Astana, Almaty qalalaryna, şetelderge barmai-aq, sapaly medisinalyq qyzmetterdı jergılıktı jerde alady.

El igılıgıne tabystalatyn medisinalyq ortalyq därıgerlerı keluşılerge qyzmet etıp, nauqastyŋ dertıne daua, köŋılıne rauan berıp, halyqtyŋ yqylasyna bölenedı dep senemız. Jauapkerşılıgı joǧary salada uaqytpen sanaspai, künı-tünı jasaǧan qyzmetterıŋız tabysty, märtebelerıŋız biık bolǧai!», – dedı N.Nälıbaev.

Aşylu räsımınde Aqmaral Älnazarova, Älıbek Quantyrov söz söilep, sala ardagerı Abdulla Şülenbaev bata berdı. Aimaqtyŋ densaulyq saqtau salasynyŋ damuyna üles qosqan azamattar oblys äkımınıŋ Alǧys hatymen marapattaldy.

​Aita keteiık, medisinalyq ortalyqtyŋ jyldyq jobalyq quaty aitarlyqtai joǧary. Mūnda jylyna 3 500 pozitrondy-emissiialyq jäne kompiuterlık tomografiia zertteuı jürgızıledı. Sonymen qatar, 16 000 magnittık-rezonanstyq tomografiia, 20 000 kompiuterlık tomografiia, 25 000 rentgenologiialyq zertteu jäne 10 000 mammografiia jasauǧa mümkındık bar.

​Qyzylorda qalasyndaǧy ortalyq – Orhun Medical kompaniiasynyŋ Qazaqstan öŋırlerınde joǧary tehnologiialyq onkologiialyq kömektı damytuǧa baǧyttalǧan jobasynyŋ ekınşı kezeŋı. Ūlytau, Türkıstan, Aqtöbe tūrǧyndaryna da qyzmet körsetedı. Bırınşı kezeŋde Aqtau qalasynda osyndai ortalyq ıske qosylǧan. Zertteuler tegın medisinalyq kömektıŋ kepıldendırılgen kölemı aiasynda jürgızıledı.

​Būdan bölek, medisinalyq ortalyqta MRT, KT, rentgenografiia, mammografiia, ultradybystyq diagnostika, beiındı mamandardyŋ keŋesterı, zerthanalyq zertteuler jäne emşara bölmelerınıŋ qyzmetterı halyqqa qoljetımdı bolady.

@Qyzylorda oblysy äkımınıŋ baspasöz qyzmetı