Oǧan Abai oblysynyŋ äkımı Berık Uäli, Parlament Senaty men Mäjılısınıŋ deputattary, memleket jäne qoǧam qairatkerlerı, Qazaqstannyŋ Eŋbek Erlerı, ǧalymdar, öner maitalmandary, respublikanyŋ barlyq öŋırınen kelgen oblystyq mäslihat töraǧalary arnaiy qatysty.
Aimaq basşysy auyl şaruaşylyǧynda atqarylǧan jūmystarǧa, agrosalanyŋ aldaǧy baǧyt-baǧdaryna toqtalyp, qambany toltyryp, bereke men bırlıktıŋ ülgısın körsetken diqandardy qūttyqtady.
«Prezidentımız Qasym-Jomart Kemelūly 2025 jyldy «Jūmysşy mamandyqtary jyly» dep jariialap, «Bız jūmysşy mamandyqtaryn därıpteu arqyly qoǧamda eŋbekqor jäne naǧyz maman bolu ideiasyn nasihattaimyz! Adal ärı tabandy eŋbegımen tabysqa jetken adamdar qaşanda qūrmettı, syily boluy kerek» degen bolatyn.
«Adal adam – Adal eŋbek – Adal tabys» qaǧidatyn ūrpaq sanasyna sıŋıru, nasihattau, qarapaiym eŋbek adamdaryn därıpteu – bızdıŋ basty maqsatymyzdyŋ bırı! Syr elınıŋ daŋqyn asqaqtatqan dala akademigı Ybyrai Jaqaev bastaǧan 102 Sosialistık Eŋbek Erınıŋ jäne täuelsızdık jyldaryndaǧy Qazaqstannyŋ Eŋbek Erlerınıŋ jetıstıkterı aŋyzǧa ainaldy. Sanaly ǧūmyrynda tuǧan jerımız üşın aianbai eŋbek etken ardaqty ardager aǧalarymyz bügın ortamyzda. Oblysymyzdyŋ damuyna qosqan orasan zor ülesterıŋız üşın Sızderge barşa Syr jūrtşylyǧynyŋ atynan şynaiy alǧysymdy bıldıremın. El üşın jasaǧan eren eŋbekterıŋızdıŋ jemısın, beinetterıŋızdıŋ zeinetın körıŋızder!», – dedı Nūrlybek Maşbekūly.
Abai oblysynyŋ äkımı Berık Uäli Syr elınıŋ eŋbekqor jūrtyna rizaşylyǧyn bıldırıp, ekı öŋır arasyndaǧy bailanystyŋ odan ärı nyǧaia tüsetınıne senım bıldırdı.
«Qazaq halqy taǧdyrynyŋ taiǧaq keşulı kezeŋderınde jaǧasyna kelıp tynys tapqan, suyna betın juyp, ümıtın erteŋge jalǧaǧan qasiettı Syrdariianyŋ boiynda, ejelgı Aqmeşıt, bügıngı Qyzylorda törınde özderıŋızben jüzdesıp otyrǧanyma bek quanyştymyn!
Bız bügın aimaqtaryŋyzǧa ülken delegasiiamen öner jūldyzdaryn, ziialy qauym ökılderın jäne jaqynda ǧana respublikalyq baiqauda bas jülde alǧan teatrymyzdyŋ arnaiy qoiylymymen kelıp otyrmyz. Būl öŋıraralyq ruhani-mädeni bailanystardy nyǧaityp, bızdı bauyrlastyra tüsedı dep senemız», – dedı Berık Uäliūly.
Merekelık şarada Qyzylorda oblysynyŋ äleumettık-ekonomikalyq damuyna eleulı üles qosqan azamattar marapattaldy. «Jan Arai» jauapkerşılıgı şekteulı serıktestıgınıŋ direktory Baqdäulet Mahaşovqa «Qyzylorda oblysynyŋ qūrmettı azamaty» ataǧy berıldı. Ol basqaratyn serıktestık täulıgıne 80 tonna qūrama jem öndıru, kürış öŋdeu zauyttaryn ıske qosqan, önımderın eksportqa şyǧarady. Ötken jyly 4 myŋ tonnalyq kökönıs saqtau qoimasyn aşyp, 100-den astam adamdy tūraqty jūmyspen qamtydy.
Eŋbek adamdary men sala üzdıkterıne «Qyzylorda oblysynyŋ damuyna qosqan ülesı üşın», Auyl şaruaşylyǧy ministrlıgınıŋ «Eŋbek ardagerı» medaldary, «Auyl şaruaşylyǧy salasynyŋ üzdıgı» tösbelgısı, Qyzylorda oblysynyŋ Qūrmet gramotasy men oblys äkımınıŋ Alǧys hattary berıldı.
Saltanatty şarada auyl şaruaşylyǧy salasynda üzdık jetıstıkterge jetken ozat audandar anyqtalyp, «Balyq şaruaşylyǧy salasy boiynşa ozat audan» nominasiiasymen Aral audany, «Su ünemdeu tehnologiiasyn qoldanu boiynşa ozat audan» nominasiiasymen Jaŋaqorǧan audany, «Auyl şaruaşylyǧy salasyna investisiia tartu boiynşa ozat audan» nominasiiasymen Jalaǧaş audany, «Mal şaruaşylyǧy salasy boiynşa ozat audan» nominasiiasymen Qarmaqşy audany, «Auyl şaruaşylyǧy önımderın öŋdeu salasy boiynşa ozat audan» nominasiiasymen Qazaly audany, «Egın şaruaşylyǧy salasy boiynşa ozat audan» nominasiiasymen Syrdariia audany marapattalady.
Al «Agroönerkäsıp keşenın damytuda biylǧy jyly eŋ joǧarǧy körsetkışterge qol jetkızgen üzdık audan» nominasiiasyn Şielı audany jeŋıp aldy.
Jyldaǧy dästür boiynşa joǧary körsetkışterge qol jetkızgen «Abzal jäne K» TS, «Maǧjan jäne K», «Abai-Däulet» JŞS eŋbek ozattaryna avtokölık kıltterı syiǧa berıldı.
@Qyzylorda oblysy äkımınıŋ baspasöz qyzmetı
