Is-şaraǧa 300-den astam ortalyq jäne jergılıktı memlekettık organdardyŋ ökılderı, oblys äkımderınıŋ orynbasarlary, öŋırlık basqarmalar basşylary, audan äkımderı, mäslihat deputattary, sondai-aq äleumettık saiasat pen qarjy salasyndaǧy sarapşylar qatysty.
Is-şaranyŋ maqsaty – bılım beru, densaulyq saqtau, jūmyspen qamtu, äleumettık qorǧau, turizm jäne sport salalarynda memlekettık qarajatty ūtymdy ärı nätijelı paidalanu tetıkterın talqylau, sondai-aq jergılıktı jerlerde sifrlyq şeşımderdı engızu.
Plenarlyq otyrysty Premer-ministrdıŋ orynbasary Ermek Köşerbaev aşty. Ol optimizasiianyŋ basty maqsaty – äleumettık kömektıŋ ataulylyǧyn jäne ädıldıgın qamtamasyz etu ekenın atap öttı.
«Memleket äleumettık salaǧa airyqşa nazar audarudy jalǧastyruda: respublikalyq biudjettıŋ 40%-dan astamy dästürlı türde azamattardy qoldauǧa baǧyttalady. Maŋyzdysy – memlekettık qoldau şynymen mūqtaj jandarǧa jetuı tiıs», – dedı vise-premer.
Is-şara barysynda Joǧary auditorlyq palata men salalyq ministrlıkter anyqtaǧan äleumettık tölemderdı maqsatsyz paidalanu faktılerı qaraldy. Mysaldar retınde:
zaŋdy negızı joq azamattardyŋ järdemaqy aluy;
jūmyssyzdyq jäne dekrettık tölemderdı taǧaiyndau kezındegı alaiaqtyq jaǧdailary;
Bıryŋǧai jinaqtauşy zeinetaqy qory qarajatyn stomatologiialyq qyzmetterge maqsatsyz paidalanu;
mekteptegı tamaqtandyru men atauly äleumettık kömek taǧaiyndauda jaǧdaiy bar otbasylarǧa jeŋıldıkter beru.
Eŋbek jäne halyqty äleumettık qorǧau ministrlıgınıŋ deregınşe, 2025 jylǧy 1 tamyzdaǧy jaǧdai boiynşa 429 myŋ jūmyssyz azamat tırkelgen. Jūmyssyzdyq boiynşa järdemaqy töleuge Memlekettık äleumettık saqtandyru qorynda 127 mlrd teŋge qarastyrylǧan. Alaida būl kömektı ıs jüzınde mūqtaj emes adamdar da alǧan jaǧdailar anyqtalǧan.
Biudjet qarajatyn öŋırlık deŋgeide paidalanu täjıribesıne erekşe köŋıl bölındı. Bırqatar tölemder men jeŋıldıkter jergılıktı mäslihattardyŋ şeşımımen bekıtıletını jäne kei jaǧdailarda jergılıktı biudjet şyǧystarynyŋ edäuır artuyna äkeletını aityldy. Osyǧan bailanysty äkımdıkterge äleumettık tölemderdı qaita qarau, qarajatty az qamtylǧan otbasylardy atauly qoldauǧa baǧyttau jäne ünemdelgen qarajatty öŋırdıŋ äleumettık qajettılıkterın şeşuge jūmsau ūsynyldy.
«Konstitusiia kepıldık bergen barlyq äleumettık tölemder azamattarǧa tolyq kölemde jäne qysqartusyz tölenedı. Optimizasiia tek qana terıs paidalanu jaǧdailaryn joiuǧa jäne äleumettık kömektıŋ ataulylyǧyn arttyruǧa baǧyttalǧan. Ünemdelgen qarajat şyn mänınde mūqtaj azamattarǧa qoldaudy küşeituge mümkındık beredı», – dedı Premer-ministrdıŋ orynbasary Ermek Köşerbaev.
Vise-premer äleumettık şyǧystardy oŋtailandyru baǧytynda Qyzylorda oblysy ülken jūmys jürgızgenın atap öttı. Öŋırde jekemenşık balabaqşalar men mektepterdı qarjylandyruǧa, «Artsport» baǧdarlamasyna, granttarǧa jäne basqa da baǧyttarǧa bölıngen qarajatqa keşendı taldau jasaldy. Nätijesınde, tiımsız şyǧystar anyqtalyp, şamamen 100 mlrd teŋge ünemdeldı. Ünemdelgen qarajat öŋırdıŋ äleumettık infraqūrylymyn damytu men az qamtylǧan otbasylardy qoldau siiaqty basym mındetterge baǧyttaldy. Oblys äkımı Nūrlybek Nälıbaev būl täjıribenı eldıŋ basqa öŋırlerınde de qoldanuǧa bolatynyn aitty. Seminarǧa qatysuşylar Qyzylorda oblysynyŋ üzdık täjıribelerın jergılıktı biudjet erekşelıkterı men halyqtyŋ äleumettık qajettılıkterın eskere otyryp beiımdeuge daiyn ekenın bıldırdı.
Eŋbek jäne halyqty äleumettık qorǧau ministrı Svetlana Jaqypova ortalyq memlekettık organdardyŋ äleumettık şyǧystaryn oŋtailandyrudaǧy naqty şaralar men täjıribesımen bölıstı.
«Äleumettık sala ärqaşan memleket üşın negızgı basymdyqtardyŋ bırı boldy jäne solai qala beredı. Soŋǧy jyldary äleumettık şyǧystar kölemı edäuır artty, ärı qarai da olardyŋ ösu qarqynyn saqtau josparlanuda. Alaida tek qarjylandyrudy saqtau jetkılıksız, ärbır memlekettık qoldau şarasynyŋ tiımdılıgın arttyru maŋyzdy. Bızdıŋ basty maqsatymyz – äleumettık qorǧau jüiesın ädılettırek ärı tiımdırek etu. 2024 jyly äleumettık salaǧa 6,1 trln teŋgeden astam qarjy bölındı, būl qarajat barynşa nätijelı jūmys ıstep, şynymen qiyn jaǧdaidaǧy otbasylarǧa kömek bop jetuı tiıs», – dedı Svetlana Jaqypova.
Seminar qorytyndysynda qatysuşylarǧa halyq arasynda tüsındıru jūmystaryn küşeitu, äsırese konstitusiialyq tūrǧydan kepıldık berılgen äleumettık tölemderdıŋ özgermeitını jäne biudjet qarajatynyŋ ädıl bölınuı turaly aqparatty jetkızu tapsyryldy.
Öz kezegınde Ükımet äleumettık şyǧystardyŋ ataulylyǧyn jäne aşyqtyǧyn arttyru boiynşa jüielı jūmysty jalǧastyrady. Qyzylordada ötken respublikalyq seminarda aitylǧan barlyq ūsynystar men ūsynymdar ūlttyq baǧdarlamalar men josparlardy äzırleu kezınde eskerılıp, ortalyq jäne jergılıktı atqaruşy organdardyŋ jūmysyna engızıletın bolady. Basty mındet – ärbır biudjet teŋgesın halyq müddesıne tiımdı paidalanu.
Ükımettıŋ resmi saity
