Bügın «Dostyq üiınde» 5 qyrküiek – Qazaqstan halqy tılderı künıne orai Qyzylorda oblysynda memlekettık tıldıŋ märtebesın arttyru, tıl mädenietın qalyptastyru jäne qazaq tılınıŋ zamanaui keŋıstıktegı qoldanysyn keŋeitu mäselelerıne arnalǧan «Tıl. Bırlık. Bolaşaq.» atty oblystyq forum öttı

Forumnyŋ negızgı maqsaty – memlekettık tıldıŋ qoǧamdyq ömırdegı qoldanys aiasyn keŋeitu, tıl mädenietın jetıldıru, öŋırdegı tıldık ortany damytu, sondai-aq sifrlyq tehnologiialar men jasandy intellekt qarqyndy damyp otyrǧan kezeŋde qazaq tılınıŋ jaŋa mümkındıkterın talqylau.

Forum jūmysyna oblys äkımınıŋ orynbasary Meirambek Şermaǧanbet, oblystyq qoǧamdyq damu basqarmasynyŋ basşysy Ruslan Kaiupov, ziialy qauym ökılderı, tıl janaşyrlary men tıl mamandary, memlekettık organdardyŋ tıl salasyna jauapty qyzmetkerlerı, bılım beru ūiymdarynyŋ basşylary, «Halyqaralyq «Qazaq tılı» qoǧamy» qoǧamdyq bırlestıgınıŋ ökılderı, etnomädeni bırlestıkter, jastar jäne būqaralyq aqparat qūraldarynyŋ ökılderı qatysty.

Forumdy aşqan oblys äkımınıŋ orynbasary memlekettık tıldıŋ qoǧam ömırındegı ornyna toqtalyp, tıl mäselesı tek tıl salasynyŋ mamandaryna ǧana qatysty emes, barşa qoǧamǧa ortaq jauapkerşılık ekenın atap öttı.

- «Memlekettık tıl – halqymyzdyŋ ruhani tūtastyǧyn aiqyndaityn basty qūndylyqtardyŋ bırı. Onyŋ qoldanys aiasyn keŋeitu tek belgılı bır salaǧa jükteletın mındet emes. Būl – memlekettık organdardan bastap, bılım beru, mädeniet, aqparat, biznes jäne qoǧamdyq ortaǧa deiıngı barlyq baǧytty qamtityn ortaq jūmys. Tıldıŋ damuy – eŋ aldymen onyŋ qoldanysyna bailanysty. Qazaq tılınde sapaly kontenttıŋ köbeiuı, memlekettık tıldegı qyzmetterdıŋ qoljetımdı boluy, jastardyŋ qazaq tılın zamanaui tehnologiialarmen qatar meŋgeruı – tıldıŋ ömırşeŋdıgın qamtamasyz etetın negızgı baǧyttar. Äsırese jasandy intellekt pen sifrlyq tehnologiialar däuırınde qazaq tılınıŋ mümkındıgın keŋeituge erekşe nazar audaru qajet.», – dedı Meirambek Zinabdinūly.

Forum barysynda memlekettık tıldıŋ media keŋıstıktegı orny, onyŋ jastar tärbiesındegı rölı, sifrlyq tehnologiialar men jasandy intellekt däuırındegı qazaq tılınıŋ damu mümkındıkterı keŋınen talqylandy.

Halyqaralyq «Qazaq tılı» qoǧamy» qoǧamdyq bırlestıgınıŋ Qyzylorda oblystyq filialynyŋ töraǧasy Abaibek Jünısov memlekettık tıldıŋ qoldanys aiasyn keŋeitu baǧytyndaǧy qoǧamdyq bastamalar men atqarylyp jatqan jūmystar turaly oi-pıkırın ortaǧa saldy.

Sonymen qatar, oblystyq «Syr boiy» gazetınıŋ bas redaktory Quat Şarabidinov memlekettık tıldıŋ būqaralyq aqparat qūraldaryndaǧy qoldanysy men media keŋıstıktegı tıl mädenietıne toqtalsa, M.Mämetova atyndaǧy Qyzylorda pedagogikalyq joǧary kolledjınıŋ direktory Jaqsygül Toǧanova jastarǧa tıl üiretu, bılım beru üderısınde memlekettık tıldıŋ bedelı turaly aitty 

Sondai-aq, Qorqyt Ata atyndaǧy Qyzylorda universitetınıŋ Jasandy intellekt institutynyŋ direktory Nūrlan Qūlmyrzaev jasandy intellekt tehnologiialaryn damytu jaǧdaiyndaǧy qazaq tılınıŋ mümkındıkterı jönınde baiandama jasady. 

Forum soŋynda memlekettık tıldıŋ damuyna, onyŋ qoǧamdyq ortadaǧy qoldanysyn keŋeituge jäne tıl mädenietın qalyptastyruǧa üles qosyp jürgen bırqatar azamattarǧa Qazaqstan Respublikasy Ǧylym jäne joǧary bılım ministrınıŋ «Qūrmet» gramotasy men «Alǧys haty», sondai-aq oblys äkımınıŋ «Alǧys haty» tabystaldy.

Sonymen qatar qazaq tılın damytu baǧytyndaǧy eŋbegı men jetıstıkterı üşın türlı saladaǧy üzdık ūiymdarǧa arnaiy nominasiialar tabystaldy. Atap aitqanda, «Körıktı jarnama – körkem atau», «Üzdık qazaqtıldı tasymaldau qyzmetın körsetu mekemesı», «Üzdık qazaqtıldı medisinalyq qyzmet körsetu mekemesı», «Üzdık qazaqtıldı bailanys qyzmetın körsetuşı mekeme», «Üzdık qazaqtıldı kommunaldyq qyzmet körsetu ūiymy» nominasiialary boiynşa jeŋımpazdar anyqtaldy.

Nominasiia jeŋımpazdaryna arnaiy diplomdar men qarjylai syilyqtar tabystaldy.