Bügın Qyzylorda oblysynyŋ äkımı Nūrlybek Nälıbaev «Ana men bala» oblystyq perinataldyq ortalyǧyndaǧy jas analar men medisina qyzmetkerlerın Halyqaralyq äielder künımen qūttyqtady.

«Halqymyzda «Ata ūldy, ana ūltty tärbieleidı» degen danalyq söz bar. Ananyŋ aq sütımen daryǧan meiırım men meiman köŋıl –ūlt ruhynyŋ özegı, eldıktıŋ tıregı. Aiauly jannyŋ jüregınen bastau alǧan ızgılık qoǧamdy ızgılendırıp, adamzatty biık mūrattarǧa jeteleidı.

Ana – tırşılıktıŋ şuaǧy, ömırdıŋ tūtqasy. Onyŋ bır auyz jyly sözı – janǧa daua, janary – balaǧa baǧdar, alaqany tigen jerge bereke qonady, batasy daryǧan ūrpaqtyŋ baǧy janady.

Adamzat balasy üşın anadan qūdırettı, anadan ardaqty, anadan aiauly jan joq. Sondyqtan da anany ardaqtau– adamdyqtyŋ asyl ölşemı, anany qūrmetteu – perzenttık paryz. Älemdegı eŋ joǧary madaq ta, qūrmet te aru-analarǧa arnalady. Erıne adal jar, balasyna ardaqty ana boluymen ūrpaqqa önege, otbasyna ūiytqy bolǧan analarymyzǧa qūrmetımız qaşanda şeksız!

Sızder – meiırım men mahabbattyŋ, sabyr men tözımnıŋ simvolysyzdar. Düniege säbi äkelu – ülken erlık, ūly jauapkerşılık. Säbidıŋ şat külkısı men alaŋsyz balalyǧy – eŋ aldymen ananyŋ aq jüregı men adal eŋbegınıŋ jemısı. Sızderdıŋ ärqaisylaryŋyzǧa zor densaulyq, otbasylaryŋyzǧa amandyq, säbilerıŋızge jarqyn bolaşaq tıleimın»,– dedı Nūrlybek Maşbekūly.

Basqosuda mereke qarsaŋynda säbilı bolǧan analar men medisina qyzmetkerlerı oblys äkımınıŋ Alǧys hatymen marapattaldy.

Bügınde oblys ortalyǧynda 36 mlrd 400 mln teŋgege bır auysymda 100 keluşıge arnalǧan emhanasy jäne onkologiialyq bölımşesı bar 300 oryndyq köpbeiındı auruhananyŋ qūrylysy qarqyndy jürgızılude. Nysandy jyl soŋyna deiın paidalanuǧa beru josparlanǧan.

Sonymen qatar 45 mlrd 800 mln teŋgege 200 tösek-orynǧa arnalǧan jaŋa perinataldyq ortalyqtyŋ, 14 mlrd 700 mln teŋgege 500 keluşıge arnalǧan emhananyŋ jäne 9 mlrd 800 mln teŋgege Titov kentınde auysymyna 400 keluşıge arnalǧan №5 qalalyq emhananyŋ qūrylystary bastaldy.

Qyzylorda oblysy äkımınıŋ baspasöz qyzmetı