Qazaqstan Respublikasynyŋ Premer-ministrı Oljas Bektenov Roca Group direktorlar keŋesınıŋ töraǧasy Santiago de Gomar Rokamen kezdesıp, Qyzylorda oblysynda santehnikalyq zauyt salu jobasyn jüzege asyru, investisiialyq yntymaqtastyqty odan ärı nyǧaitu perspektivalaryn talqylady. Kezdesuge oblys äkımı Nūrlybek Nälıbaev ta qatysty.
Ükımet basşysy önerkäsıptık öndırıstı lokalizasiialau ekonomikany qūrylymdyq nyǧaitudaǧy basym mındet ekenın atap öttı. Osyǧan bailanysty Qazaqstan qolaily investisiialyq ahual qalyptastyru boiynşa belsendı jūmys jürgızude.
"Qazaqstan Prezidentı Qasym-Jomart Toqaevtyŋ ekonomikalyq tūraqtylyqty qamtamasyz etudegı basym baǧyty aiasynda otandyq öndırıstı qoldauǧa jäne syrtqy jetkızılımderge täueldılıktı azaituǧa baǧyttalǧan importty almastyru saiasaty belsendı damyp keledı. Qazaqstan men İspaniia - strategiialyq serıktester. Sondyqtan bız kompaniiany senımdı serıktes retınde köremız jäne industriialyq damu üşın joǧary tehnologiialyq öndırıs tartudy qūptaimyz. Ükımet jobanyŋ sättı jüzege asuy üşın qajettı kömek körsetedı", - dep atap öttı Oljas Bektenov.
Jylyna 500 myŋ būiymǧa deiın sanitarlyq-tehnikalyq önımder şyǧaratyn joǧary tehnologiialyq zauyt Qyzylorda qalasyndaǧy «Öndırıs» industriialyq aimaǧynda ornalasady. Osy maqsat üşın jer telımı belgılendı. Käsıporyn önımderı ışkı naryqqa jäne Ortalyq Aziia elderıne eksportqa şyǧaruǧa baǧyttalǧan. Joba qūny 70 million euro, 300 jaŋa jūmys orny aşylady. Öndırıske qajettı negızgı bes komponenttıŋ üşeuı Qyzylorda oblysynyŋ özınen qamtamasyz etıledı.
Roca Group direktorlar keŋesınıŋ töraǧasy Santiago de Gomar Roka kompaniia Qazaqstandy öŋırdegı biznestı damytudyŋ strategiialyq alaŋy retınde qarastyratynyn atap öttı. Bügınde Roca Group saladaǧy älemdık köşbasşylardyŋ bırı sanalady. Kompaniianyŋ 78 zauyty, 20 myŋnan astam qyzmetkerı bar.
"Qazaqstan – Ortalyq Aziiadaǧy jūmys auqymyn keŋeitu üşın qisyndy taŋdau. Bız eldı bükıl aimaq üşın tiımdı jūmys ıstei alatyn önerkäsıptık jäne logistikalyq hab retınde qarastyramyz. Mūnda öndırıstı damytuǧa qolaily jaǧdai jasalǧan jäne Qyzylorda oblysyndaǧy joba jergılıktı ekonomikanyŋ damuyna üles qosyp, halyqaralyq strategiiamyzdyŋ maŋyzdy bölıgıne ainalatynyna senımdımız", - dedı Santiago de Gomar Roka.
Kezdesude QR Önerkäsıp jäne qūrylys ministrlıgı, Qyzylorda oblysynyŋ äkımdıgı jäne Roca Group investisiialyq jobany jüzege asyru qaǧidattary turaly negızdemelık kelısımge qol qoidy. Būl qūjat – taraptardyŋ sanitarlyq-tehnikalyq būiymdar öndıretın zauyt jobasyn bırlesıp jüzege asyruǧa niettı ekenınıŋ resmi dälelı.
Roca Group kompaniiasymen yntymaqtastyq byltyrǧy jeltoqsan aiynda Qyzylorda oblysynyŋ äkımı Nūrlybek Nälıbaevtyŋ İspaniiaǧa jūmys sapary barysynda bastalǧan bolatyn. Sodan berı investormen bırlesıp, bırqatar nätijelı jūmys jürgızıldı.
"Memleket basşymyzdyŋ investisiia tartu jönındegı tapsyrmasyn oryndau aiasynda bız şeteldık investorlarmen jüielı jūmys jürgızıp kelemız. Roca Group – sanitarlyq-tehnikalyq būiymdar öndıru salasyndaǧy älemdık köşbasşylardyŋ bırı. Bügın Qyzylorda oblysy üşın maŋyzdy qadam jasaldy, bız kompaniiamen öndırıstı ıske qosu jönındegı negızdemelık kelısımge qol qoidyq. Atalǧan zauyt Ortalyq Aziiadaǧy ırı jobalardyŋ bırı bolmaq. Ol ışkı naryqty otandyq qūrylys materialdarymen qamtamasyz etuge mümkındık beredı. Bızdıŋ basty maqsatymyz – investorǧa qolaily jaǧdai jasap, jobany sapaly ärı uaqytyly ıske asyru", - dedı N.Nälıbaev.
Būl bastama öŋırdıŋ investisiialyq tartymdylyǧyn arttyrumen qatar, jaŋa öndırıster qūru arqyly tūrǧyndardy tūraqty jūmyspen qamtuǧa da mümkındık beredı.
