Saltanatty räsımge oblystaǧy qūqyq qorǧau organdarynyŋ basşylary, medisina salasynyŋ ardagerlerı, qoǧam qairatkerlerı men auyl tūrǧyndary qatysty.
Oblys basşysy jinalǧan qauymdy qūttyqtap, öŋırdıŋ äleumettık-ekonomikalyq damuyndaǧy, qūrylys densaulyq saqtau salalaryndaǧy jaŋaşyldyqtarǧa toqtaldy.
"Memleket basşysynyŋ töraǧalyǧymen ötken Ükımettıŋ keŋeitılgen otyrysynda öŋırdıŋ äleumettık-ekonomikalyq damu qorytyndylaryn baiandadym. Prezidentımız Qasym-Jomart Kemelūly oblysta atqarylǧan jūmystarǧa oŋ baǧasyn berdı. Aldymyzda älı jüzege asyratyn jobalarymyz köp. Osy baǧytta jūmysymyzdy jalǧastyratyn bolamyz" - dep atap öttı, Nūrlybek Mäşbekūly
Aimaqtyŋ densaulyq saqtau salasynyŋ biudjetı 129 mlrd. 448 mln. teŋgege jettı. «Auylda densaulyq saqtaudy jaŋǧyrtu» ūlttyq jobasy aiasynda barlyq audanda 28 medisinalyq nysan salyndy. Jalaǧaş audanynyŋ Eset batyr, Myrzabai ahun auyldaryndaǧy ekı därıgerlık ambulatoriia 2023 jyly aşylyp, qazır el igılıgıne qyzmet etude.
Bügın el igılıgıne tabystalatyn jaŋa ǧimaratta bastapqy medisinalyq kömek körsetu sapasyn jaqsarta tüsuge jol aşylsyn! Därıgerlerımız elge adal qyzmet etıp, halyq alǧysyna bölene bersın! Egemen elımızdıŋ eŋsesı biık, Täuelsızdıgımız baiandy bolǧai!» – dedı oblys basşysy.
Jiynda medisina salasynyŋ ardagerı,Qyzylorda oblysynyŋ Qūrmettı azamaty, «Qūrmet» jäne «Parasat» ordenderınıŋ iegerı Tūrǧanbai Mahanov batasyn berdı. Audannyŋ äleumettık-ekonomikalyq damuy jolynda qajyrly eŋbek etken ardagerler men auruhanany salǧan qūrylysşylarǧa marapattar tapsyryldy.
Aita keteiık, ötken jyly Qyzylordada jaŋa «Qan ortalyǧy» aşylyp, bügınde el igılıgıne qyzmet etude. Jaŋaqorǧan audany «Tömenaryq» auylynda, Aral audany «Sekseuıl» kentınde auyldyq auruhanalar qoldanysqa berıldı. Ana men bala ömırın qorǧau maqsatynda köpbeiındı oblystyq auruhana bazasynda jaŋa MRT apparaty ıske qosylyp, 70 oryndyq perinataldyq bölım aşyldy.
Oblys ortalyǧynda emhanasy men onkologiialyq bölımşesı bar 300 oryndyq köpbeiındı auruhananyŋ qūrylysy jürude. Būdan bölek, ūlttyq joba aiasynda 4 köpbeiındı audandyq ortalyq auruhana janynan qosymşa qūrylys salynady.
Ötken jyly 8 medisinalyq nysanǧa kürdelı jöndeu jūmystary jürgızıldı. Biyl 6 nysannyŋ jylu jüiesı gazǧa auystyrylady. Medisinalyq qūral-jabdyqtarmen qamtyludeŋgeiı 87,1 paiyzǧa jettı. Soŋǧy 2 jylda oblystyŋ barlyq eldı mekenındegı densaulyq saqtau mekemelerıne 245 jaŋa sanitarlyq avtokölık tabystalsa, onyŋ 11-ı Jalaǧaş audanyna berıldı. Osylaişa, auyldardy sanitarlyq avtokölıkpen qamtu mäselesı tolyq şeşıldı.
Memleket basşysynyŋ bastamasymen qūrylǧan «Qazaqstan halqyna» qory öŋırdıŋ densaulyq saqtau salasyn damytuǧa 4 mlrd. teŋgeden astam qarjy baǧyttady. Būl qarjyǧa Aral, Jaŋaqorǧan audandary men Qyzylorda qalasynda «Qamqorlyq» oŋaltu ortalyqtary aşyldy. Skrining jürgızuge arnalǧan jyljymaly medisinalyq keşen alynyp, auyl tūrǧyndaryn tekseruden ötkızude.
Aqparat üşın aita ketsek, soŋǧy uaqyttary Qyzylorda oblysynda memlekettıŋ qoldauymen auqymdy äleumettık-ekonomikalyq nysandar köptep salynuda. Būl qosymşa jūmys oryndarynyŋ aşyluyna jäne türlı salalardyŋ qaita jaŋǧyruyna aitarlyqtai äser etetını sözsız.
