Bügın Qyzylorda oblysynyŋ äkımı Nūrlybek Nälıbaev, «QazAvtoJol» ŪK AQ basqarma töraǧasy Darhan İmanaşev, oblystyq mäslihat deputattary, ziialy qauym ökılderı, el aǧalarynyŋ qatysuymen «Batys Europa – Batys Qytai» halyqaralyq avtodälızınıŋ Qyzylorda – Aqtöbe baǧytyn tört jolaqty etıp keŋeitu jobasynyŋ bırınşı kezeŋınıŋ bastalu räsımı öttı.
Aimaq basşysy jinalǧan jūrtşylyqty respublikalyq maŋyzy bar avtomobil joly qūrylysynyŋ bastaluymen qūttyqtap, jol-kölık infraqūrylymyn damytuda atqarylǧan jūmystarǧa toqtaldy.
«Biyl – elımız, öŋırımız üşın tarihi maŋyzdy jyl. Memleket basşymyz Qasym-Jomart Kemelūly qalamyzda ötken Ūlttyq qūryltaidyŋ qorytyndy besınşı otyrysynda «Soŋǧy jyldary Qyzylorda oblysy zaman talabyna sai ösıp-örkendep jatyr» dep, Cyr öŋırınde atqarylǧan jūmystarǧa oŋ baǧasyn berdı. Oblysymyzdyŋ äleumettık-ekonomikalyq damuyna, tūrǧyndarymyzdyŋ äl-auqatyn arttyruǧa baǧyttalǧan bırqatar jaŋa ırı jobanyŋ jüzege asyrylatynyn, onyŋ ışınde «Beineu – Sekseuıl» baǧytyndaǧy jol qūrylysy biyl qolǧa alynatynyn, «Batys Europa – Batys Qytai» halyqaralyq avtodälızınıŋ Qyzylorda – Aqtöbe baǧytyn tört jolaqty etıp keŋeitu jobasy bastalatynyn aitty.
Prezidentımız «Jer kölemı jönınen älemde toǧyzynşy oryn alatyn elımızdıŋ, jalpy, kölık-tranzit salasynda zor mümkındıkterı bar. Būl – airyqşa nazar audarudy talap etetın strategiialyq baǧyt»,– degen bolatyn.
Osy maqsatta öŋırımızde belsendı jūmystar atqaryluda. Memleket basşymyzdyŋ, Ükımettıŋ erekşe qoldauymen
2022-2025 jyldary aimaǧymyzdaǧy 1 600 şaqyrym avtomobil joly men köşelerdı, 30 köpır ötkelın saluǧa, kürdelı jöndeuden ötkızuge 150 mlrd. teŋgege juyq qarjy bölındı.
Nätijesınde jaqsy jaǧdaidaǧy joldardyŋ ülesı 95 paiyzǧa jettı. Biyl da jol infraqūrylymyn damytuǧa baǧyttalǧan 56 jobaǧa biudjetten 37 mlrd. 845 mln. teŋge qaralǧan. Būl qarjyǧa 136 şaqyrym jol men köpır ötkelderı jöndeuden ötedı.
Bügın Özderıŋızben bırge aimaǧymyz üşın maŋyzy zor jobalardyŋ bırı Qyzylorda – Aqtöbe baǧytyndaǧy joldy tört jolaqtyǧa keŋeitudıŋ bırınşı kezeŋın bastaimyz.
Qūrylysy bastalǧaly tūrǧan avtojol öŋırdıŋ örkendeuıne, halyq igılıgıne qyzmet etetın maŋyzdy kölık dälızıne ainalsyn! Jürgızuşıler men jolauşylarǧa ärdaiym aq jol, sät sapar tıleimız», – dedı Nūrlybek Maşbekūly.
Räsımde Darhan Serıkūly, Qyzylorda oblysynyŋ Qūrmettı azamaty, Qazaqstannyŋ Eŋbek Erı Abzal Jūmaşūly ızgı tılegın jetkızdı.
Aita keteiık, Memleket basşysy 2023 jylǧy 10 qazanda Syr öŋırıne jūmys saparymen kelgende Qyzylorda qalasynan Aqtöbege deiıngı avtomobil jolyn tört jolaqtyǧa auystyrudyŋ jobalau jūmystaryn jedel bastaudy tapsyrǧan bolatyn.
Osy jūmysty qysqa merzımde aiaqtau üşın demeuşıler esebınen 350 mln. teŋgege tehnika-ekonomikalyq negızdeme äzırlendı, 487 şaqyrym jolǧa memlekettık saraptamanyŋ oŋ qorytyndysy alyndy.
Jalpy joba 2 kezeŋnen tūrady. Bırınşı kezeŋı – 26 şaqyrymdyq Qyzylorda qalasynyŋ ainalma jolyn salu. Ekınşı kezeŋı – Qyzylorda qalasynan bastalyp Syrdariia, Jalaǧaş, Qarmaqşy audandarynyŋ syrtymen ainalyp ötıp, «Batys Europa – Batys Qytai» halyqaralyq kölık dälızıne qosylatyn 462 şaqyrym jol.
Avtodälız boiyna jaŋadan 11 köpır, 13 jol ötkelı, 62 üi januarlaryna arnalǧan ötkel men 399 su ötkızgış qūbyr salynady. Jolauşylar men jürgızuşılerge arnalǧan zamanaui servistık qyzmet körsetetın punktter boi köterıp, şaǧyn jäne orta biznestıŋ damuyna mümkındık tuady.
Avtojoldyŋ II sanattan I sanatqa auysuy kölık qatynasyn edäuır jeŋıldetıp, jük tasymalynyŋ tiımdılıgın arttyrady.
@Qyzylorda oblysy äkımınıŋ baspasöz qyzmetı
