Oǧan Parlament Senaty men Mäjılısınıŋ deputattary Nauryzbai Baiqadamov, Ruslan Rüstemov, Mūrat Ergeşbaev, oblystyq qūqyq qorǧau organdarynyŋ bırınşı basşylary, ziialy qauym ökılderı, sala ardagerlerı qatysty.
Aimaq basşysy Nūrlybek Nälıbaev jinalǧan qauymdy käsıbi merekemen qūttyqtap, qūrylys salasynda atqarylǧan jūmystardy atap öttı.
«Prezidentımız «Bız jūmysşy mamandyqtaryn därıpteu arqyly qoǧamda eŋbekqor jäne naǧyz maman bolu ideiasyn nasihattaimyz! Adal ärı tabandy eŋbegımen tabysqa jetken adamdar qaşanda qūrmettı, syily boluy kerek», - degen bolatyn. Būl - ekonomikalyq tūraqtylyq pen äleumettık progrestıŋ basty faktory retınde jūmysşy käsıpterınıŋ rölın küşeitudegı strategiialyq qadam.
"Jūmysşy mamandyqtary jylyna" orai jaqynda ǧana Memleket basşymyzdyŋ Jarlyǧymen öŋırımızdıŋ bırqatar metallurgterı, temırjolşylary men qūrylysşylary memlekettık nagradalarǧa ie boldy. Būl eŋbek adamdaryna körsetılgen zor qūrmet pen laiyqty joǧary baǧa.
«Alaştyŋ anasy» atanǧan qasiettı Syr öŋırı Prezidentımızdıŋ, Ükımettıŋ erekşe qoldauymen qarqyndy damuda. Oblysymyzdyŋ biudjetı 823 mlrd. teŋgeden asyp, 2022 jyldan berı 226 paiyzǧa östı. Būl qarajat aimaǧymyzdaǧy eŋ özektı degen mäselelerdı şeşuge, tūrǧyndardyŋ ömır süru sapasyn jaqsartuǧa, auqymdy infraqūrylymdyq jobalardy ıske asyruǧa baǧyttaluda.
Biyl 96 jobanyŋ qūrylysyna biudjetten 166 mlrd. 800 mln. teŋge qarjy bölınıp, 2022 jylmen salystyrǧanda 8 esege artty. Nätijesınde qūrylys jūmystarynyŋ körsetkışı boiynşa respublikada üzdıkter qatarynda kelemız.
Qūrylys salasynda qyzmet etu – būl jai ǧana mamandyq emes, elge qyzmet etu. Qūrylysy qarymdy eldıŋ ekonomikasy da quatty.
Tuǧan jerımız, Syr öŋırınıŋ äleumettık-ekonomikalyq jaǧdaiynyŋ jaqsaruyna, säulettık kelbetınıŋ jaŋaruyna, zamanaui ǧimarattardyŋ boi köteruıne qosqan eleulı eŋbekterıŋız üşın Sızderge barşa Syr jūrtşylyǧynyŋ, jeke Özımnıŋ atymnan şynaiy alǧysymdy bıldıremın.», -dedı N.Nälıbaev.
Merekelık şarada qūrylys salasynyŋ üzdıkterı «Dostyq», «Qūrmet», «Eren eŋbegı üşın», «Eŋbek daŋqy» orden-medaldarymen marapattaldy.
Sonymen qatar QR Önerkäsıp jäne qūrylys ministrınıŋ «Qūrmettı qūrylysşy» tösbelgısıne, «Qūrmet gramotasyna» jäne Qyzylorda oblysynyŋ «Qūrmet gramotasyna» ie boldy.
Merekelık ıs-şarada änşı Qairat Baekenov, änşı-kompozitor Jarashan Töleubai än şyrqady.
@Qyzylorda oblysy äkımınıŋ baspasöz qyzmetı
