Oqiǧa Aqtau qalasynyŋ äuejaiynda tırkeldı. Äue kompaniiasy ökılınıŋ aktısı negızınde kölıktegı polisiia bölımınıŋ qyzmetkerlerı Aqtau – Almaty baǧytyndaǧy reisten Almaty qalasynyŋ 36 jastaǧy tūrǧynyn tüsırdı. Tekseru barysynda atalǧan azamatşanyŋ reiske tırkelu kezınde-aq alkogoldık masaŋ küide bolǧany jäne ainalasyndaǧylarǧa qatysty balaǧat sözder aitqany anyqtaldy. Osy äreketterı arqyly ol qoǧamdyq tärtıptı būzǧan. Kölık poliseilerı qūqyq būzuşyny polisiia bölmesıne jetkızıp, qoǧamdyq orynda masaŋ küide bolǧany jäne ūsaq būzaqylyq jasaǧany üşın äkımşılık jauapkerşılıkke tartty. Nätijesınde oǧan 25 ailyq eseptık körsetkış mölşerınde aiyppūl salyndy. Aita keteiık, jyl basynan berı Kölıktegı polisiia departamentınıŋ qyzmetkerlerı äue kemelerınde jasalǧan 48 qūqyq būzuşylyqty anyqtady. Onyŋ ışınde alkogoldık ışımdık ışu jäne qoǧamdyq oryndarǧa mas küide keluge qatysty 31 derek, ūsaq būzaqylyqtyŋ 8 faktısı, äue kemesınde temekı şegudıŋ 4 deregı jäne özge de qūqyq būzuşylyqtar tırkelgen.

Aqparat közı Polisia.kz saitynda: https://polisia.kz/qoghamdyq-tartipti-buzghan-mas-kujdegi-zholaushy-aue-rejsinen-tusirildi/